發癲

放完大假,公司唔單止冇好野比我,仲要想我死... call了我做兩程上海,再去台北過夜,第二日台北回來仲要再去上海再回來! 足足六程得一程上海唔full呀! 做死人啦! >_< 仲要唔夠人做business,得我同個阿姐做台北果程... 唉!
第二日仲要番工,做上海來回,不過好彩得一程full...
但我就好幾晚冇訓過覺lor,累到死了.
放了兩日假,但都係覺得好眼訓,點算呀? 明日仲要做北京早機,0645report!

黑社會

今日係Markie的生日呀, 祝她生日快樂! 好掛住她呀! 希望她心想事成,身體健康! ^_^

昨日看了'黑社會', 都幾得意的. 有好多明星做,個個都有自己的人物性格做型... 真是除了梁家輝同任達華外,個個都係大配角,唔係咖哩啡ga. 林雪真是幾正,成日背住d黑社會規條,係個好有義氣的人.
古天樂都係咁,好想為大佬做野,大佬有事唔會話要坐佢個位,或要跟第二個大佬. 張家輝仲搞笑,食隻湯匙落肚,就係因為佢果份執著. 個個都好有性格,所以都幾好看. 最鐘意果幕係在交通燈位等,觀眾都會有好容易代入,因為我們都知道個燈位係有幾長,而聽到果d'達達'聲就更有共鳴!

今晚去了阿婆屋企食飯,食到超級飽... 都唔知而家個肚點見人... 因為我已經有了三個月... ... ... ... ... ... 咁大的... ... ... ... ... ... 肚腩! 真是'仲有最靚的豬腩肉'!

有相看

大家可以到http://community.webshots.com/user/littlechild1020看我upload了的相. 好累... 因為昨日一早起身去了金鐘,接著去醫院做檢查,stay到夜晚八點...唉, 有些唔舒服.
今日訓到9點幾就醒,阿婆又來了我屋企,所以都冇再訓番. 之後家姐打來話約到,阿哥阿嫂打麻雀,哈哈!真開心! 於是就打了20圈!最後只係贏$130!本來係$700幾ga!!!不過算啦,都好開心... 唔駛輸,家姐就慘了,一家輸三家... 仲要比姐夫話.
好眼訓了,要訓了...

回來了...

去了東京五日...終於回來了,又肥了!
第一日係香港機場已經見到model楊琤, 上年係回香港係羽田機場見到佢...又係搭同一班機...
去到東京落機,竟然見到基仔喎,原來佢又係同我一班機,不過佢應該係坐經濟位... 不過我到佢都幾開心. 但望番排隊過關條龍長到真是離譜呀!! 而基仔的crew同經理人就游說當局比佢地用特別通道過關... 結果係得了的... 阿John見到咁的情況,即刻覺得佢地好過份... 話要complain呀,不過最後都冇...
今日好累,因為要執野出來... 最煩... 因為執了出來, 又要塞番,不過係塞係屋企... 唉...
真是買了好多野咩? 唔係呀!
影了好多相, 我又好變態咁影哂我買了的野... 買比自己的, 買來送比人的...
係去程終於看了'電車男', 真是好好看! 仲要番到香港看今日的蘋果,話有一個電車男同女朋友求婚成功,真是感動呀!
呢5日都發生了好多唔同的野... 不過未有時間寫... 等多陣! 我要看番d相先諗起發生的事! 比d時間我!
日本的sales真是無得頂,又好禮貌又靚! 我仲同其中一個影了相!
呢幾日都訓得唔好,又失眠! 明日一早仲要去看老死Joyce的admission呀! 即正式成為律師的ceremony! 0850金鐘PP的M記等! @_@

失眠

昨晚又訓唔著... 唉... 又肚餓,又驚早起身唔知醒... 食完藥個口好淡, 又想嘔咁. 卒之可能訓了2個零鐘啦...
今朝仲要唔知醒tim,所以要搭的士... 唉...
晨早做班曼谷turnaround竟然無端端轉了機,我們變了唔夠crew,我無啦啦又upgrade了做purser... 不過當然都係咁做啦, 做到死lor...
唔知點解回程會咁多人, 有16個客,但得我同senior purser兩個人做... 她仲要serve埋機師.
好累...@_@ 因為有客留低了相機,銀包,scarf等物品(都唔知d人係咪傻的,咁都留得低的),她又要寫report... 唉... 我又要做哂cabin同galley的野...
終於明日放假了,東京,我來了!

竹戰樂

昨晚晚飯後與家姐,阿哥同爸爸竹戰(佢地屋企先行回家了...)...
真開心,因為我竟然食了兩舖10番, 分別是清一式對對糊以及十三么! 哈哈! 但都係打出的,所以果累積到的二百幾蚊水(每次摸和,即無人食糊果舖,每人拿5蚊出來,如有幸食出十番牌仲要係自摸,就可以拿到累積的水了)都係冇我份.

今日下午去看我個婦科醫生,商量做果個檢查,抽d細胞做檢驗,看o下會唔會真是子宮有事. 本來佢suggest去浸會做,因為簡易些,唔需要做入院手續. 但HSBC真是麻煩... 話因為浸會唔係佢地的網絡醫院,所以最好去番聖德助撤做... 唉... 但果度個儀器是在手術室,即是我要辦入院手續先得! 真是麻煩呀! 由於我16日就去東京,21日先回來,所以會在22日做個檢查... 希望快些搞掂然後話冇事啦.

在診所等的時候,竟然又比我撞到個同事,係個好好人的Chief purser來ga, 佢咁arm去果度做Annual check,所以又傾o下公司的八卦野... 話有個副機師(FO)係高雄比人割頸打劫喎... 真是恐怖呀!

新相

今日看了Flightplan,都幾好喎... 有d出人意表的劇情... 之後阿John車了我去看醫生...



等待中的時候,有個阿爸同個小肥仔來了,個小肥仔都有成60磅重,大慨4歲,點知佢周圍走好煩,仲要打噴嚏唔蓋住個口>_< 搞到我執面都有些佢的飛沬~ 真是呀... 我入去看醫生,我同醫生講了呢件事,點知廖醫生竟然同我講唔好意思,我就話都唔關佢事,唔需要咁講呀... 佢話會話個小朋友喎! 哈哈!

由於webshot set了每個account有個相片數目的limit,所以唔可以把所有相擺哂在同一個account了. 小麗,明冇? 大家可以到以下網頁看到我的新相...
http://community.webshots.com/user/littlechild1020
http://community.webshots.com/user/syonna79

另外多謝阿Paul在friendster的留言,我會比心機打好我的blog的...


今日係農曆9月11日,在2001年的呢日,媽媽永遠的離開了我們...
昨晚在做夢仍見到她...

念親恩 陳百強

作詞：楊繼興　作曲：楊繼興
長夜空虛使我懷舊事 明月朗相對念母親
父母親愛心柔善像碧月 懷念怎不悲莫禁
長夜空虛枕冷夜半泣 遙路遠碧海示我心
父母親愛心柔善像碧月 常在心裡問何日報
親恩應該報　應該識取孝道
唯獨我離別 無法慰親旁 輕彈曲韻夢中送
長夜空虛枕冷夜半泣 遙路遠碧海示我心
父母親愛心柔善像碧月 常在心裡問何日報

北京之夜

10月10日
放假看了Transporter,都幾好喎... 一看d動作場面都估計到係中國人做動作指導... 果然真是元奎做的. 買了m記雪糕新地諗住入場食,點知比工作人員叫我們食完先可以入場喎!! 真是激到發癲,因為已經夠鐘開始... 食食o下個阿姐又叫我們快些入場. 原來佢話頭先個manager係度所以先要執得咁正喎. 哈哈! 好彩入到去先開場. 由於係平日下午所以好少人看,完全係任坐...

10月11日
一早起身做班北京overnight,雖然係full,不過係早餐就好easy了...
之前同身在北京工幹的john chan約好食晚飯,去'大宅門'有國技-變瞼看的, 仲有其他奇異表演的,之後去'後海'見識o下, 好多同事去過都話幾好. 去到酒店就諗住訓o下,點知看報紙,雜誌就冇了成個下午... john打電話來話佢要搬酒店因為有蟑螂... 咁就唔可以同我食飯, 咁我之前已經推了同事唔一起食. 咁就叫room service了. 叫了沙律同洋蔥湯... 好飽. 6點幾7點諗住訓覺唔出街了因為第二朝0650pick up...
9點幾john打來話佢來緊酒店搵我,咁就起身換衫了... 雖然想訓,但咁難得係北京見到friend,就出去了! 搭的士都係15分鐘到了. 不過果度真是幾靚,成條河兩邊都係飲野的地方,好特別的decoration. 不過唔係咁鍾意d人拉客,好恐怖. 飲了1杯就走了... 去'錢櫃'join埋佢個朋友就番酒店,係lobby飲了1杯野同佢地傾o下計,我自己就回上去訓,佢地就走了... 點知我個肚已經開始絞痛了...

10月12日
上到機個肚都唔舒服,上完客竟然話要delay,因為神州6號升空要關閉廣州的航道喎... 唉... 真是搞錯呀... 本來11點幾可以放工,而家1點幾先放工... 由於得好少客d時間真是好難挨... 個cabin又凍到死特別係door 1... 要用毛毯蓋住呀... 不過係delay的過程我就可以有時間痾. 真是好辛苦呀,唔敢食野又肚痛. 真的好唔舒服... 仲要land之前無端端話要再delay多20分鐘! 頂! 好想放工呀! 有個同事都想嘔呀...

放工回到屋企仲痾... 想死...

好眼訓

10月6日
做了班上海turnaround機,好憎些客,唔係只是我一個人咁覺得,係個個做經濟位的同事都會覺得!
由於係最夜的一班上海機,大部份的客都係上海人,所以真是好乞人憎呀!由做完safety demo後check cabin時已經深刻體會到了,真是串到爆呀!佢o地的嘴臉真是映衰哂中國人!!!
到開始去餐,又覺得佢地真是完全冇禮貌lor!仲要話一定要食飯... 真是比佢地吹漲!如果冇哂飯食意粉就話要多個飽@_@
講開好黑... 上緊客時,一姐走來同我講公司無端端話要轉我做班曼谷turnaround喎,嘩,唔係呀,已經上緊客啦,仲搞咁多野?? 好彩後來話唔需要ja! 如果唔係,我真是要'檻'火盆先得呀!仲要用埋柚葉沖涼tim... 不過都唔駛...
10月7日
比公司改了做高雄過夜,好夜先到,不過又好早走的,係split duty呀,即是訓覺時間都當係做緊野... 十一點幾去到酒店,第二日朝早五點幾起身喎!! 完全係冇訓啦... 勁眼訓...
10月8日
由高雄回香港,9點幾就放工,真是正!不過成晚餓到訓唔到...朝早又冇胃口食野...訓覺訓了成日個下午... 又係覺得好肚餓lor...
10月9日
今朝11點同屋企人飲茶, 之後梗係family function啦! 打麻雀,哈哈!食了舖'清對'-清一式對對糊!不過係家姐打的,結果係冇輸贏! 不過好開心! 因為證明自己又唔係咁黑喎!

而家又覺得好肚餓tim... >_<

好黑呀~

呢排真是好黑,希望唔好好似紫微斗數咁話我開始行十年的'化忌',即是衰運... 唉...好唔開心>_< 個子宮頸細胞測試又話我有細胞不正常的變異...又要再驗...好煩呀!!!

好耐冇update個網頁... 9月28日看了'仙樂飄飄處處聞' , 竟然都撞到2個認識的人,仲要都係坐係我前一行同前二行... 哈哈!成日都撞到認識的人,香港真細小! 之後去了飲野,又鬧交...唉...
9月29日看了'長恨歌', 我覺得都幾ok的,不過唔係個個看完都喜歡,好似John就彈到它一文不值... 哈哈!

9月30日請了假因為唔想去高雄過夜,仲要兩晚喎,所以就冇番工. 之後仲執番程上海過夜,一程去一程回,幾好呀! 不過酒店真是唔係好掂lor,因為我間房竟然已經有人check-in了的,第二日發現第二個同事都有咁的情況!真是過份! >_<

10月2日上海回來,幾驚會再carry-on再飛,好彩順利放工... 但係收到個message係3日朝早要做班廈門機,係一早06:50回到公司,11:10放工.

10月3日一早仲要得我同一姐回公司report,其他人都係call出來的... 真是@_@呢班機係之前一日因為'龍王''探訪'廈門而delay,到2日先做到,不過turbulece都幾多呀,好彩冇事. 不過放工後訓覺就接到電話話我個test又failed了,唉...

10月4日做東京turnaround,好彩唔full,仲要第一次做business,第一次做東京的business呀,不過都冇咩特別,同其他port的business差不多,仲可以慢慢做tim,好長時間. 去程竟然有兩個貴賓,Andy Tung同曹xx唔記得個名,一個係公司Deputy CEO,一個係公司創辦人個仔... 回程就有紅姑同佢先生都好nice呀... 放工時真是驚嚇,我唔想冇了份工呀... wow...wow...

10月5日同金花食飯,去了IFC... 嘩嘩, 聽到個中學同學有情緒病喎,真是慘... 點解要比咁大pressure自己呢??希望佢可以快些好番啦...

呢排買了兩本張小嫻的書,好耐冇看佢的小說了... 好想快些看完...