說話唔可以亂講
真是黑開有條路... 看來都是衰野往往多過好野...好耐冇update?! 其實唔係... 之前放完兩日假(放假前已經歷了3小時上海大delay! 廈門軍事演習! 激死, 唔full變full, 因為我們是下午機, 本來放7點, 最後放10點幾, 仲要泊outer bay, 等了4,5部車才落哂客, 最後果部仲等了10分鐘!!!)!! 而呢兩日假呢, 簡直是我同家姐痛苦的根源, 手痕發作的日子, 我們兩個都總是會攀山涉水咁坐大起飛, 唔係應該是坐渡海小輪去北角做運財童子, 事實是我阿哥真是唔知食了咩藥, 第一舖起庄坐東位就連食兩舖十番, 第一舖是食我清一式對對糊, 第二舖自摸十三么, 天啊!!! 發生什麼事呀?? 我的心情一開始已直墜谷底啦....我同家姐一路輸... 而當晚正是雷電交加, 行雷最勁那晚, 正好配合我們當時的心情, 極度恐慌! 晴天霹靂呀!! 打到4點幾(零晨), 我們都是輸到貼地... 每人輸千幾蚊... 想死...之後我S1仲Call埋, 上海同台北overnight, 最不喜歡overnight呀!! 拿了部腦用, 點知大陸咩site都去唔到咁... 唉... 本來update了個blog, 又洗哂... >_<台北果晚幾開心, 同同事fine dine, 食7個courses的set dinner, 好飽, 跟住又走去fing錢... 買呀買...好彩第二日一程早放工!! ^_^ 不過接住做900/1呢, 又是早起身, 連續4日5點半起身, 人都癲呀! 仲要short crew, 成日都是咁, 不過CP寧願2個做10個客, 都留番我做business, 因為有個first operate的FJ... 最搞笑是回程有個癲婆客... 一上機已經好煩, 又話個seatback成日auto-recline, engineer都整唔到, 唯有reseat她啦, 起飛後又話凍, 又要reseat, 總之是不停哦, 哦, 哦, 想人請她食燒鵝咁啦, 都算了, 去咖啡, 茶時, 她話要咖啡加cream, 倒了比她, 她搞時, 問"e? 點解咁的?", 阿姐, 加了cream, 梗會有d白色的野ga啦, 你一路搞咪得lor, 她仲不停問"咁的?", @_@ 唉, 後來d cream溶了先冇野ja, 痴痴地...最離譜是到香港, 落客時, 無啦啦有d客叫我去看她, 她在呻吟, 話條腰好痛, 又問"點解咁的?", "哎呀, 點解咁的?', 我真是想死呀!! 做咩呀? 我問她有冇land時俯身, 她又話冇, 我叫她唔好咁緊張, 放鬆, 唔好郁, 她就係咁叫, 又想起身, 唉... 跟住又話'唔得了, 好痛呀, 死了, 死了, 點解會咁ga?, 我點知呀? 實是她自己有事啦... 又唔認... 我問她要唔要輪椅, 又話自己郁唔到, 坐唔到, 咁你係咪想我們抬你走呀? @_@ 問她要唔要醫護人員看她, 又話唔駛, 想點?!! 後來CP同機師來看她, 問她之前有冇整親過條腰, 她又話冇, 後來先話有, 不過呢幾個月冇事喎, 咁咪即是有事lor... 好彩CP認得她上機時是行得奇慢的... 所以肯定她是有整親過的!唉... 搞到我們遲放工... 比她激死呀!! @&$($$(@
好彩
呢幾日都好開心呀! 自從經歷過那天的災難後, 我又好運了... 請了一日病假, 第二日改了做standby, 竟然無call... 之後仲做了班北京overnight, 一程去, 一程回... good啦! 最開心是之後做班上海turnaround, 雖然去那程full, 但去到上海, captain竟然宣佈隻機有techinical問題, 可能要等engineer整好耐, 有機會要stay在上海過夜, 咁我們當然點到等啦, 要回香港呀! 因為大部份都是第二日放假, 而captain更加是放大假...我們卒之是無客, 11點回到香港! 而我們成班同事都好開心... 一同食野, 一同玩... 看戲... 仲有IQ題tim... 哈! 例如:'有咩是熊貓一生都做唔到呢?', 就是整走牠對熊貓眼lor! 我們又在cockpit入面看夜景, 因為captain是超級nice的, 一路都開住度門... 放工前, 我們大家仲交換email, 回到屋企仲一同msn呀! 真是nice flight!昨日放假一天, 同ivy同kate食lunch, 看ivy整gel 甲, 本來我都想整, 但唔夠時間了. 我們4朵金花夜晚又可以re-union了, 去了俄羅斯餐廳食飯, 好味呀! 之後同kitty繼續飲野, 竟然約唔到其他人join, 真是傷心呀! 雖然是急了些, 但之前都是這樣啦... anyway...又失眠了...今日又是做上海turn, 本來兩程都full的, 但因為在香港已經delay了少少, 我們回程只是2個客(business).... 哈哈!
小說迷
由細個開始就好鐘意看小說, 最主要是受家姐影響, 瓊瑤當然是必看之物... 亦舒都看了好多... 而最嚴重的是張小嫻的小說呀! 我應該是每一本都看哂(除了散文, 都看了好多本)... 都十分之喜歡她的作品, 同時對她的愛情觀非常認同.有一排都放下了, 無點看書... 而呢幾日就即刻看完兩本張小嫻, 一本是小說, 一本是散文.原來沒有離開 張小嫻有人問, 分離的時候, 到底是離開的那個人比較痛苦, 還是留下的那個人比較痛苦? 應該說: 愛得最深的那個人比較痛苦.一雙情侶, 其中一方要單獨出門, 這種短暫的分離, 必然是留下來的那個比離開的那個痛苦.在外面的那個人, 忙著遊玩或忙著工作, 多姿多采, 留下來的那個人, 卻要獨自面對孤獨, 那一刻, 他才知道原來自己多麼思念對方.機場常常是求婚的地方, 女人從外面回來, 來接機的男人想她想得瘋了, 自投羅網說:' 我們結婚好嗎?'誰說結了婚就不用分離?下一次, 換了男人一個人出門, 寂寞的是留下來的女人, 她擔心他有意外, 更擔心他有艷遇.拋棄別人總比被人拋棄好過一點, 所謂離別, 總是一個走, 一個留下, 走的那個當然沒留下的那個痛苦.年深日久, 留下來的那個發現自己原來可以忘記離開的那個人, 那麼, 他再也不會痛苦. 偏偏離開的那個發現自己仍然愛著從前那個人, 那一刻, 他才知道, 原來自己才是留下來的那個人.
災難
呢幾日間直就是香港航空史的重要歷史, 機場完全癱瘓... 其中仲有我們cabin crew都癱瘓埋啦... 簡直是發癲ga... 恐怖, 災難性...成個機場都是人... 訓到一地都是... 嘩... 不是911喎, 又不是恐怖襲擊... 為什麼會這樣? 聽講話是打風後, 再加上電腦系統出現故障, 所以全部航班資料都check唔到...我們真是受哂... 個個在公司等機, 又不知自己會隨時被人調去做邊班機... 已經太亂了... 就算放假都放唔到... 想死呀, 因為根本回唔到香港. 我們又唔敢出機場, 因為實有人走來問你d機的資料, 我們只是feel so sorry了, 我們不知道... 我們不是地勤... 幫不到...我們都不知我們自己會是怎樣... 要唔要做呢? 但我們又要在公司等喎, 結果我們是大量crew在公司standby, 叫外賣食呀! 要到夜晚10點幾, 我們先話去機場, 點知去到又唔知隻機在那裡, 公司要我們自己check, 因為成個系統down哂... 我們就同客一樣滯留機場, 看實個電子板... 呆滯哂... 極度唔想飛...到大佬(captain)打回去check, 先知隻機泊在那裡... 我們又short crew喎... 好彩唔full... 但我們上了客後又等... 等了又等... 搞到零晨4點先起飛呀!! 大家留意, 我們7點已經在公司report duty了... 我們在機度看日出lor, 真是十萬個'浪漫"呀!! 人都癲!! 我們0600 到達上海機場!! 想死...去到酒店已經7點了, 打回公司個message竟然是要我們1720在酒店pick up做回班機回香港lor... 差點哭泣啦... 無時間去傷心, 極快去睡覺... 回來個程機真是好唔開心呀... 又full... 又累... 最慘是驚仲要做台北overnight呀.... 個心簡直是碎哂... 精神分裂了... 到香港後, 竟然是可以放工, 我們個個是尖叫lor... 真是好辛苦了...
搞笑...
話說上個月尾做果班"南高高"(1st day香港->南京->香港->高雄, 2nd day高雄->香港->高雄, 3rd day高雄->香港)... 跟住再carry on做青島個幾日, 真是發生了好多野首先第一日南京回香港果程, 有個香港學生一上機已經不舒服... 開始時都擔心他會是發燒... 不過後來好彩冇事... 不過他個帶隊的阿sir就唔係好掂... 完全不懂take care他個學生lor!! @#$&$((%& x_x仲有個客又飲到醉醉地... 我check toilet時見到多tissue同soap, 已經好炆... 跟住有個國語男人問我怎樣洗手... (我們的客都仲有好多是不懂用洗手間的...) 咁我話按那個掣就得了... 跟住他竟然無端端塞張十蚊人仔比我喎... 嘩... 想死... 做咩呀?? >_< 我話我不要呀!!! 他真是怪人呀, 明明扣過安全帶了, 又話自己不懂扣喎... 又訓地喎... 真是頂他唔順呀!! 竟然去高雄果程又見到他... 我們個個即刻唔理他... 第二日高雄回香港, 又有個行李在行李櫃趺落來整到個小朋友個頭... @_@個家長又唔肯落機喎... 結果搞了好耐, 要在機度廣播搵醫護人員... 唉... 短短的一個鐘機程都搞到delay了一個鐘!! 又要看著個小朋友喎... 香港去高雄果程... 想不到都仲有crew change... 唉... 真是咁亂... 有2個crew要去上海, 有另外3個join回我們, 但原來她們已經有幾日放唔到工了>_< 好可憐呀! 有2個已經做了5日4夜我overnight, 1個就4日3夜... 點解會這樣呀?? 第三日高雄回香港, 早到了... 不過我都放唔到工了, 要去做多轉青島!!!! @#($&u(&%() 搞錯... 仲要兩程都full... toilet絛龍冇斷過咁制... 有個大陸女人竟然仲嘔在廚房... eeeeeee... 話說那日call了我做杭州過夜的機, 已經趕住去機場了, 驚死遲到的我, 一去到機場當然會立刻打回公司report了... 但當我差不多到機口時... 公司的人竟然話我沒有打回去喎... 嘩... 我會唔會咁傻豬呀? 就算我真是未到機場, 我點都打回去話自己到了啦... >_< 激死... 唔該話人前check清楚先啦! 有電話錄音ma!不過同Belle一同飛都好開心... 哈哈! 間酒店又好正...張床同間房好舒服! 不過有傻瓜就唔知做咩把自己手指夾住在crew seat的邊(有絛隙)lor, 仲要係打緊電話(機上的電話)比後面廚房的同事... 我不停痛苦地呻吟, 嘗試拯救自己的手指, 但又唔成功, 同事就問需唔需要上來救我, 那時Belle在toilet(前面得我同她做), 咁無助的我唯有等人來幫我... @_@ 不過好彩同事來到前, 我已經成功抽出隻手指lu... 不過就腫了... 哈哈! 自己又忍不住笑自己lor... 真是好搞笑... 又尷尬喎... 不過上這5日的班... 真是好辛苦呀! 好耐無試過咁辛苦呀! 條腰斷了...昨日冒住雨同人生唯一樂趣是打麻雀的家姐去阿哥家打麻雀... 是要過海的... 仲要打風... 我堅持唔搭船... 雖然呢個是最快的方法去到北角... 但是d風真是吹到我們行路打倒退... 好恐怖... 都是轉車去搭mtr啦... 不過是超迫... 結果昨夜我真是執番身彩... 輸少少... 但家姐就... 輸哂... =p 朝早4點先回到家...今朝9點幾就醒了... 仲要有個女人不停打來搵同一個人, 我已經話打錯了... 她都死心不惜... 唉... 我真是問她... 點解她要打同一個, 我已經話了比她知是搵唔到她要搵的人的電話咁多次呢?? 她話果個人是比呢個電話她... 她認為打錯可能是條線搭錯... 嘩... 小姐... 我真是頂她不順呀... 心諗雖然是打風, 雖然李澤楷是不可信... 但PCCW的服務未至於咁差呀... 現在呢個年代... 唔會搭錯線到咁呀...港龍竟然宣佈今日來回香港的所有機取消喎... 嘩... 好嚴重呀!!!
真是... 累死...
救命呀!! 我可以怎麼辦? 好累呀!! 上班ja, 點解可以咁恐怖呀???又有carry-on duty, 仲要是青島呀! 已經做完6程機, 兩晚睡得不好啦, 仲要晨早7點report, 都冇得放工... 要做多兩程??!!＃$^*@i@*& 唉... 下午6點先放工... 本來放早上9點ga!! x_x仲要第二日又改我做standby, 又call了, 又是極趕... 蝕錢搭的士... 唉...仲要是1-3 pattern, 去完杭州一晚, 回來再做廈門turnaround, 中間仲有成2個鐘transit!! 唉... 真是好累... 搞到自己夾到自己隻手指... 好痛呀? 嘩! @_@ 咁的日子, 何時會完呀? 我知之後只會更恐怖, 因為有好多人已經resign了... 呀!!!!!! 天呀!
