Friday, June 29, 2007

dr. kxng

遇到這樣麻煩的客人, 真是"三生有幸"!! 又問我呢樣又要樣... 仲要個個都要知道他是誰! 真是好煩呀! 他的requestsssss 真是煩到爆呀>_<

又delay!?#^$*^@*!()

無錯! 又delay! 昨日一回到公司就話我們要用的機仲未到... 遲半個鐘...
上到機做完preparation, 上完客, 好彩做business同上次一樣, 雖然都是full, 但總覺得無咁辛苦... 但是一遲就遲2個鐘...
過程中已經有客堅持要落機, 又要做好多野, 可以做的我們都做哂... 好累...又有好多憂慮... 不過同事間都好支持大家, 所以都好開心... 因為我們經歷得太多... 環境點惡劣, 我們都可以從中令自己開心.
去到上海, 見到隔離隻機本來應該早我們好多回香港的, 仲泊了那裡, 心理都已經有所準備... 眼見上海地面天氣好像不錯...
要order大量drinks以防long delay, 又上了snack box, 我們就要找位塞這些東西... 隊長(captain)又要make decision上唔上客.... 因為上客的話, 就要大家困獸鬥, 又要比客鬧, 而我們又無時間休息. 但如果唔上客, 就真是有排都回到了香港. 因為大家不明白, 我們要上完客, 搞掂哂cargo的貨同行李, 然後關上機艙門, 所有野準備好, air traffic control (ATC)航空控制塔才會比我們開始排隊起飛回香港ga!!
客人就不明白這個原因, 就話我們為什麼要他們坐在機等. 喂, 你們認為我們都會想這樣嗎? 我們都不想做死自己啦, 要serve這serve那... 去drinks都行了幾十轉了... 腳都跛腰又斷... 你們又唔諗下在機場等, 誰會理你?
最搞笑是我們泊outer bay/bus gate, 上客時都見到個天好似拍戲咁, 突然間天昏地暗... 都驚會落大雨... 已經上了三分二的客, 點知真是傾盆大雨! 客人是全濕!! 濕透果隻!! 大家都慌忙拿napkin同毛毯比客人, 有好少部分的客人因此破口大罵, 十分慶幸他們明白不關我們事的...
我們個廚房變了晾乾衫的地方... 好好笑... 差不多到香港時, 都乾了~
呢程又是full的, 大家真是好累了. 工作了12小時喎! 好彩d同事都好好!
不過最好當然是請不要再下雨了... no more delay pleaseeeeeeeeee!
我回到屋企, 沖完涼看電視之際, 竟然在沙發睡著了... 好耐都未試過咁累...

煲燶個煲

今日見到雪櫃還有家姐比的裹蒸糭, 就諗住整熱來食, 見到盒上個instruction話直接放入滾水煮... 同家姐講起, 她話蒸會好些, 咁我就拿起個糭隔水蒸, 點知就出事了...
看看O下電視, 聞到燶味, 即刻衝入廚房, 個煲燶了... 個蒸架熔了些... 唉...
激死了>_<

Wednesday, June 27, 2007

史力加3







十分期待看史力加3, 真是好鍾意這套戲. 實在太好笑, 角色又好可愛!

病假

在這個工作圈子請病假已經變成一件十分平常的事... 我的家人都會有些責備的口吻... 無奈!
今日本來做一班大家都會認為是好'筍'的機, 一程去北京過夜, 一程北京回香港. 不過我都是請了假, 因為我喉嚨痛, 又不想再去北京過夜, 仲要是一早去到, 接著都是在酒店睡覺再出去食晚飯, 再回去睡覺. 實在太無聊了!! 再者, 我前日才由上海過夜回來, 又是一大清早去到, 睡了晏覺然後出去食飯, 回去再睡, 真是好似養豬.
我從來都不太喜歡overnight的更, 但現在無有選擇, 總會有overnight. 總覺得大陸酒店是好污糟, 睡床總有些東西會咬人的.
而前日早上明明一早由上海出發, 但因為軍事演習, 要延遲2個鐘, 與飛行時間一樣. 無奈!
最無奈是要忍受客人的無理指摘!!! 又要回應客人的問題同解決, 真是好煩!! 我們都明白你們的想法, 為什麼成日都delay的?! 我們都好想快些回家的!

Monday, June 18, 2007

為什麼?

有太多的'為什麼'在心內... 為什麼?
好唔開心...

Sunday, June 17, 2007

好眼訓@_@

做了今個月第二班的'單北'一個 好正的更, 因為一程去北京, 一程回香港... 不過兩日都要早起... 所以都好累@_@
點解呢幾日完全無心機溫習ga? 好唔開心呀!!!!! 我真是唔想再吵架了. 我知是我不對, 我有時都真是好驚面對自己, 對future完全無plan.
難道我真是會孤獨終老? 說不定我會隨時香消玉殞呢... 又何必自尋煩惱?
請打電話比我問我最新的email/msn了... 我唔想在這裡publish呀! ok?

Friday, June 15, 2007

終於回歸了!!

真是發生了好多好多事, 大家都覺得我消失了... 連我自己都有這感覺, 有點可怕. 但其實真的有想過如果自己真的從此消失了, 又會如何? 大家又會否記得我?
不過想到這會令疼我的家人及朋友多心痛, 又會為自己曾有這可怕的念頭而慚愧......
朋友們, 真的好想念你們啊!!
請block了我以前的msn account, 因為那可惡的黑客已入侵了那account, 還飾演了我跟有關人士對話! 真是好恐怖! 極之可恥!