Wednesday, April 16, 2008

東京4日3夜

由於工作過度疲勞的關係, 加上十分懷念東京的美食, 早在2月便決定要request3日dayoff連放... 結果成行了. 可惜今次一如以往的錯過了欣賞櫻花, 只好盡情欣賞美食吧!
下午4點多到酒店, 稍微休息就準備出發去食shabu-shabu, '八山'當然是不二之選. 而途中必定經過Matsumoto這超級抵買的藥房, 不過由於之前已努力積存, 所以不需要大量入貨. 但就比我撞到那個拍Head & Shoulders洗頭水廣告的台灣人, 好像叫Roger?!?.
在乍暖還寒的天氣食shabu-shabu, 仍感到好窩心. 我們幾經努力, 都是食了7碟, 算是保持了紀錄. 而最意想不到是, 竟然又比我撞到谷祖林喎... 食了咁多次都未撞過有香港人去食喎.
第二日中午出發去表參道食迥轉壽司, 這又是必食的. 一個店長又認得我們, 大家熱情打了招呼. 又是食到肚都爆... 走的時候, 店長親自送我們... 真是客氣. 行行o下, 竟然眼前一亮, 難道真是'貴氣迫人"?! 就是兜口笆面撞到李家誠同徐子淇. 又會咁的? 在香港都從未親眼見過的名人... 全是東京見到... 之後暴走了一整日, 腳都要跛了. >_< 買了好正的士多啤利同無花果, 真是又抵又好食呀!! 下午茶就食了碗拉麵呀~
夜晚就當然食燒肉啦!!! 好好好好好味的敍敍苑是必必必必食的! 今次仲試埋牛脷, 因為在仙台試過好好味. 真是正呀!
今日食了好X貴的天婦羅, 但又真是好好食同必食的... 仲食了兩碗飯呀~~~ 由於恐怕個肚真是會爆, 本來決定今晚食酒店的buffet(有好正的大蟹腳同燒牛肉), 最後去了搵之前在北海道食到的平田牧場的三元豬, 終於個肚爆了...

Wednesday, April 09, 2008

累...






這半個月日日都是早機, 日日都要5點幾起身... 好想死呀... >_<



去了台灣overnight, 同事介紹了一間好正的日式食店, 真是沒有介紹錯, 我非常喜歡! 我們食到飽到反肚呀... 有一段小趣事, 就是同同事行誠品書店時, 竟然有個'小朋友'走來搭訕. 好耐都沒有這些究發生了, 當然工作時那些搭訕不計啦. 當我在看書時, 他無端端走來問我是不是台灣人, 我話不是, 他就問是否來自東南亞那些, 我答是香港, 他又問我是否來旅遊, 又問我是否自己一個, 我都只是答不是... 他就話不好意思打擾了... 哈哈! 我覺得真是好好笑...



好彩這幾天都不是做上海或北京的機, 避開了那些delay... 不過做了兩程full的金邊都想死... 腰骨都差點斷了, 溝通已經好有問題... 仲有好多duty free order... 唉... 仲有個男人同個同事話他是洗手間食了煙, 個同事report了比我知... 我就好惡咁去質問他, 他個朋友就不停話他只是說笑, 不用理他. 我就繼續瞪眼警告他說真話, 如果他真是食煙會有什麼後果等等... 真是比他激死...