Friday, March 30, 2007

連環倒霉事件簿

真是行運一條龍呀!!! 不過是衰運呢!!!!>_< 有咩理由會黑到咁呀!!??? 仲要是發生在短短的幾日.... 真是湧住咁來呀!!! 連陪伴我一同上海3日2夜overnight的同事, 都見證住我的黑氣是多麼恐怖! 之前的唔講, 就由星期日開始...
星期日同星期一放假, 星期日一早約了阿哥一家同阿婆, 舅母同阿爸飲茶. 之後當然唔少得餘慶節目, 打麻雀啦... 他們個個食十番, 得我冇份!! 我輸哂$1500(不過好彩輸哂比男朋友, 他cover哂)...
星期一晚同男朋友食飯, 一飲啖茶(菊花)就見到有三隻小昆蟲浮在水面, 即刻換啦... 叫了碟燒味拼盆同以前食的完全唔同... 冇了最想食的燒腩仔(錯哂啦)@_@ 個阿姐的serivce仲衰, 仲要話"係呀, 廚房改了又冇通知我們!" 不過有另一個內地人的waitress就好禮貌, 真是忍不住要稱讚
她的, 以前去食已經覺得她好好.
好了... 星期二做班上海overnight, 3日2夜, 香港->上海, 上海->香港->上海, 上海->香港, 3日的機都delay, 無論是去程定回程@_@ 我做經濟艙leader... 賣了4程duty free, 雖然是我自己話不需要轉position, 因為d同事都好好, 好合作... 最慘是去上海的機程好短, 仲要賣duty free, 真是好想死...
第二日去上海果程,本來因為唔full都幾開心, 但不幸的事通常都是不full時發生的... 有兩個客分別都是食牛肉飯的, 竟然都有"foreigh object"在個飯度... 有冇搞錯呀!! @_@ 我本人都覺得好serious, 因為一個係有成隻完整的flying object(類似蚊的野), 一個係有d淺藍色塑膠物體的野lor... 不過好彩兩位女士都冇大發脾氣, 我不停講'唔好意思"啦... 又要pack好它們send回公司的catering department, 又要寫report... 唉... 都冇時間食野... 幾日在機度都冇時間食野...
好了... 到了上海...
落機時, 竟然發現自己個喼其中一邊個柄斷了, 我知道lancel喼實會有呢個問題, 但呢個真是唔係一個適當的時間lor... 唔通我要呢兩日都手拿個喼?!! 仲要係ovenight, 在機場咁樣真是極樣衰lor!! 又重喎! 因為overnight呀!! 好傷心呀! 又唔知可以點做...
係呢個時候, 個上海同事實在太好了, 她幫我打去上海office度問, 可唔可以換個喼比我, 雖然都唔係新喼, 不過都好好彩可以換啦, 但個procedure我知實有問題... 回到公司實要解釋啦!
而隻機又竟然泊係outer bay喎, 即是要搭bus去terminal, 而上海個office係在另一端lor... 咁個上海同事就好好咁陪我去換喼了... 行了勁遠... 又熱, office又冇開冷氣! @_@ 仲要成set crew係機場等我上bus去酒店, 超級勁瘀同唔好意思呀!!!!
去到酒店都6點了, 同同事出去勁掃dvd... 食飯... 回酒店...
不可思議的事又發生了...
我沖廁時, 發現個廁所有d塞, 咁我認為自己flush得唔好, 就再flush多一次了, 大鑊啦... d水不斷湧出來, 個地下濕哂... 而我本身係準備沖涼的... 唉!! 人都癲呀!!即刻著番浴袍啦... 叫人上來整, 那時已經11點了... 不想轉房了. 其實好快就整好, 係清潔番個地要時間. 點知個cleaner只是用d毛巾抹乾個地, 仲要係用普通我們抹身的毛巾, 我見到都覺得嘔心, 他仲要徒手撥d'水'去渠口... 嘩!! 我好驚他隻手再掂到我間房的野, 好彩他係自己拿d毛巾來, 唔係用我房果d, 如果唔係他再拿d新的比我, 點用呀@_@ 即刻比了些少錢貼士他... 真是難為了他同我自己~~ 真是好驚呀!! 為什麼會發生咁多野的??
同事都覺得我真是好黑呀!! 叫我去轉風車呀!!

Tuesday, March 27, 2007

尋找快樂的故事


The Pursuit of Happyness

'單親爸爸基斯(韋史密夫飾)是個才華出眾的推銷員,可惜懷才不遇而生活潦倒,無家可歸,但是還要負起撫養5歲兒子的重擔。在逆境下,他毅然接受沒有薪酬的股票經紀見習生工作,心裡希望終有一天能夠出人頭地;兩父子雖然身無分文而經常露宿街頭,但基斯的父愛卻溫暖著整個家,令兩人衝破一切障礙……'

成套戲有好多好多令人留下深刻印象的地方! 沒有過份煽情, 每一個感動位都真是好感動... 完全可以帶動觀眾進入主角的世界, 這代表了will smith的演技真是相當出色, 內心戲都做得好足... 足以令觀眾動容!! 真是極力推介大家去看! 必定要看!!

Sunday, March 25, 2007

活在高空上的日子

每一天的工作都是在高空上, 看似遼闊的天空, 對於我們來說, 有時候卻是狹窄得緊要(因為有時候是用型號小的機, 有時候是廚房小要容納四個人, 機艙的走道又狹窄)... 很容易都會受傷, 長期在這環境工作/勞役, 身心都十分疲累.
放工後, 朋友及家人都會經常聽到我訴說工作上的種種辛苦, 當然當中都發生十分多有趣的事. 有時見到一些藝人或公職人員都會特別留意, 如是心儀的偶像就更慶幸自己有這特別的機會與他們接觸.
放假對於我們來說都是十分珍貴的日子, 要與朋友相聚可以說是十分難得的. 因為本人的休息時間與白領一族大不相同, 要能相約一起真的要花點時間. 遇上重要日子或事項, 更要預先一個月前確定那些日子一定要放假, 需要填表request dayoff, 希望公司可以作出安排, 當然這樣不代表一定有假放, 只能看你的做化了...
前陣子, 大學同學好朋友結婚, 公司只能安排一日假, 就是朋友結婚那日. 而那日小妹是需要早上六點十五分到達荃灣做姊妹的... 前一晚是十點放工差不多十二點回到家, 而婚禮一整日都在幫忙做不同的工作, 第二日還要做三日機... @_@ 好累...
但婚禮當日大家都好開心, 因為大家都期待這個婚禮很久了... 一對新人拍拖十多年, 絕對難得... 好慶幸我能擔任晚宴的司儀, 給新娘子一點驚喜... 衷心祝一對新人白頭到老, 永結同心!!
放假真是十分奢侈的東西...
睡覺同樣是十分奢侈而我最經常放肆地享用的東西!!! 哈哈!
食都會食得奢侈一點, 到北京食'魚翅撈飯'同'大董"燒鴨, 真是好好味!

Friday, March 23, 2007

只想睡覺

上班的時候想睡覺, 放假的日子想睡覺, 無時無刻都想睡覺... 難道我有渴睡症了??
我只想每天看電視/戲, 食飯, 睡覺... 這樣就最寫意... 放假就是這樣過...
多好!
但願每天都是在放假...
救命呀!! @_@

Thursday, March 15, 2007

上班的日子

放完假又打了轉通宵, 呢次真的真是好累... 接近精神崩潰的了, 因為我家姐是發了神經, 不停自摸食糊, 食了幾次十番, 我真是狂叫lor... 太激動令到自己累上加累. 如果我有心臟病應該死了好耐了... 大吉利是!! 哈哈!
復工的第一日duty就是3日standby, 結果當然是準時9時call了我做三日兩夜北京及上海overnight之旅. 雖然唔想被call, 但call這個pattern都算可以, 而最驚喜的就是得知同朋友仔kathy都是做呢個pattern! 我們雖然好累, 還堅持去吃喝玩樂! (大年初二果日又是跟她飛, 而msn時她得知我3日standby又期望我call呢個pattern, 果然...)
北京真是好凍呀~~~~~~ 我們仲出街食飯食豬手...

其中發生了好多有趣的事, 有個新同事竟然沒攜帶回鄉證同passport上班! 她仲要是臨時被改做上海overnight的, 她自己上機的, 趕完一輪, 結果是要回家拿證件! 問題是她好似唔覺得自己有問題! 而又影響我們少了個人幫手做野, 公司又要搵第二個補上, 浪費了好多時間! 由於有2個新同事, 呢班上海機真是做到我同其他同事死... 從未想過會在30分鐘(降落前)內做完咁多野, 派雪糕, serve咖啡,茶, 收餐, 仲有客要買duty free >_< 我真是痴了線呀! 被個新同事激死我們@_@
最搞笑是我們隻機去到上海竟然'爆軚"... 我們好在是落機stay在上海過夜的, 如果不是就有排等...

Saturday, March 03, 2007

打雀英雄傳

新年前後都打了好多場麻雀... 同屋企人打就算我手氣幾咁好, 都唔及我家姐, 阿哥同阿嫂仲有我表姐... 我d朋友都同過佢地打, 都知道佢地係好癲... 意思是好好運...
唉... 我打了三晚通宵呀(雖然不是連續)... 成日都好累... 不過新年打麻雀真是好開心喎!
而我同朋友打就我好運些了... 好似公司春茗後同同事打了12圈... 我食了2舖十番, d'水'比我拿掉2次... 哈哈! 贏了成千元... 仲要我話打細些... 如果不是, 我就贏雙倍了!!!
好彩我的家人是我長期的麻雀腳, 可以隨時都有得打. 任何的生日, 節日或週末都是我們竹戰的好時機! 而每一次都總會有人食十番爆棚, 好多奇牌都可以見到, 食十三么已經是好平常的事, 大/小三元, 清一式對對糊都唔難見... 最恐怖的是家姐試過槓上槓食糊=十番, 我都食過清么, 或者一晚食兩次槓上自摸十番, 仲要有人包...
就是這些食糊的滿足感令我們更沉迷賭博! 哈哈! 我們全家都是沉迷賭博一族!