恭賀新禧

祝 大家

恭喜發財! 身體健康!
萬事如意! 步步高陞!
心想事成! 出入平安!
福星高照! 一本萬利!

有幸這兩天假期,可以食團年飯及到祖母家拜年... 不過麻雀已經輸了六百幾元... 唉! 已經掛了一大幅財神的肖像在廳中, 希望祂能保佑我們橫財就手! 哈哈!

祝大家新年進步!

追憶

致 臻

家中的木櫃仍收藏著細伯親手曬的陳皮... 那份心意我定會珍藏!
永遠懷念他...

追憶

曲：林子祥 詞：林振強

童年在那泥路裡伸頸看一對耍把戲藝人
搖動木偶令到它打觔斗 使我開心拍著手
然而待戲班離去之後我問 為何木偶不留低一絲足印
為何為何曾共我一起的 像時日總未逗留
從前在那炎夏裡的暑假 跟我爸爸笑著行
沿途談談來日我的打算 首次跟他喝著酒

然而自他離去之後我問 為何夏變得如冬一般灰暗
為何為何曾共我一起的 像時日總未逗留
從前共你 朦朧夜裡 躺於星塵背後
難明白你 為何別去 留下空空的一個地球
徘徊悠悠長路裡 今天我知道始終要獨行
向來回頭望去 追憶去 邊笑邊哭邊喝酒

然而就算哭仍暗私下慶幸 時日在我心留低許多足印
從前從前曾共我一起的 仍然在心裡逗留
從前誰曾燃亮我的心 始終一生在心內逗留

在晴朗的一天出發

心情終於平復了... 這幾天心情終於都開心番了, 特別是今日請了一日假可以訓好到中午! 個人舒服得多, 比起之前失眠的晚上, 昨晚是最好的時光.
呢排都真是買了好多野, 特別是屋企的野,可能要大掃除啦,要買好多清潔用品,咁行吉之島又鬼咁多野吸引人, 例如食物,零食真是多到震呀! 日本野真是好難抗拒的... 又買野比爸爸, 衫褲鞋襪都買下來送比佢, 不過爸爸就梗係話仲有好多新的都未著... 哈哈! 我就很不一樣, 明明好多未著的, 都要買新的! 嘻嘻!
買東西又真是可以心情好些喎, 食野都是會好開心, 不過見到自己個大肚腩就勁後悔lor! 在機上真是要忍口, 飛機的野真是太油膩了... 大家知道嗎? 一個飛機餐成千卡路里ga! 仲有雪糕呢? 商務同頭等又有芝士喎! 真是變肥妹啦! >_<

失眠夜

又是另一個失眠的晚上... 是因為太飽還是那飯後的Espresso作祟? 明明眼睛也差點張不開了... 但睡在床上仍然是未能入睡... 是想太多了嗎? 完全提不起勁上班!

好唔開心

我個人就係咁,好容易就唔開心,見到人地成日都會覺得人地好過自己,冇咩自信... 成日都好想有人稱讚o下自己... 好想有人會留意一下自己... 有時我真是好想好似d相士話, 叫我要看開一些, 我已經盡量去做的了, 但當發現現實往往比想像中殘酷, 內心就會不禁自嘆奈何... 我明白做人是要豁達一點才會活得開心... 現在的我已經比年少的我開心得多了... 相信我的朋友們, 你們未必會察覺到原來我是一個多麼悲觀及缺乏自信的... 我好想比朋友錫, 好享受被寵壞, 因為我時常都渴求愛! 時常都很喜歡節日的來臨, 因為可以更容易感受到身邊朋友給我的愛, 覺得好溫暖! 特別喜歡一大班朋友一起玩, 好開心. 很需要那份群體的感覺, 天秤座的我太容易有孤單的感覺了... 所以慶幸聖誕節及新年有John Chan, Vivian佢地同我玩... 要不是我會有想死的感覺!

其實自從2年前燙傷了大腿, 到現在還是每天在受折磨, 這可能是永不磨滅的疤痕, 的而且確是很難豁達地面對的... 特別是更換良衣服時, 內心總會是戚戚然的... 還有的是那確切的痛楚及痕癢, 不斷的提醒自己有著這難堪的疤痕, 是有點痛苦的!

黑色星期五的延續

昨日星期六朝早9點開始standby, 到10點都冇call諗住都應該唔駛番工啦,點知10點半call了做班北京turnaround, 查過loading都唔full呀,點解都會call我呢? 番到公司先知原來北京大雪,d機delay哂... 大件事啦... 朝早最早去北京的機都hold了4個鐘, 我真是唔明公司做咩咁早call我出來... 係機度等, 等了2個幾3個鐘, 諗住應該都唔會要我們飛, 因為好多同事今日都dayoff, 咁遲起飛應該會call第二set 同事出來做啦, 點知完全錯哂, 真是要我們做... 仲要同d客係機度'困獸鬥'了2個幾鐘, 想死, 好彩d客都非常considerate, 冇發脾氣, 不過我們即是要係北京過夜啦, 零下2度我們好多都冇著大褸,實凍死了, 最慘係好多dayoff的同事今日都有野做ga! 唉... 真是好唔開心...

去到北京係機場就等通知, 看看今日的安排會係怎樣, 大概是我們會坐機回香港, 不過後來經過有些同事的苦戰, 同公司理論, 我們可以即晚坐番機番香港, 不過要等另一set隊長係香港過來北京, 因為我們個set要留在北京過夜, 我們係極度開心... 因為覺得唔駛向公司屈服! 最開心莫過於放假的同事啦...

最後我們等到2點先起飛, 今朝5點幾回到香港呀! 想死! 勁眼訓! 朝早7點先訓... 不過都訓得唔好, 因為已經天光了...

明日又要早機做上海turn, come on, give me a break! >_<

黑色星期五

放了兩日假, 今日一早早機,朝早0645report... 昨晚同約翰吵架了,很傷心... 唉... 睡得不好... 真是我的錯吧... 但點解會有人要hack我部電腦看我的email同message? 究竟咩人會咁做?　好煩～！就要爆炸了！

今朝約翰來送我上班, 但當我回到公司準備拿公司pass出來開門, 發現大獲了!!! 因為我之前放假拿出來放在去街的手袋，忘記了放回公司手袋呀! 最重要是那張機組人員的pass都是連在一起的, 沒有那張證件, 我就唔可以過關, 就唔可以上機即是番唔到工, 好好好大獲呀! 我叫約翰立刻飛奔到我家拿, 叫我阿爸幫我拿出來, 好彩爸爸在屋企, 不過他都搵了好耐先搵到...

我同一姐講了呢件事，她一開始就叫我打去report比公司, 但我之前聽同事講咁樣可能會有懲罰的, 即是我們所謂的'坐牢'＝3個月唔可以升職呀! 咁我就請求她比時間我，話我男朋友拿緊比我, 唉! 她限我７點要拿到，但真是無可能，我只好話差不多，個感覺真是比死更難受, 係咁望住隻錶, 同時間鬥快喎... 我係咁催約翰叫他開快車... 其他同事都好好，叫我唔好催約翰開快車，因為好危險喎! 又話唔緊要我可以做第二隻機...

當briefing完要到樓下過關，那時已經是7點10分了... 我個心就要停頓了...　因為約翰還未到呀，仍在東涌, 係呢個時候我一個人站在公司大堂等他, 電話響起, 公司打來時我已經知道她們已經開車走了去飛機了. 公司就問我係咪有人拿緊比我, 如果可以趕到班機就冇問題, 我自己到機場report duty, 那剎時真是放下心頭大右了... 我拿了張證件後即刻飛去機場了... 根本是跑去機口呀！嘩! 好彩都唔係好遲, 同call out出來做呢班機的同事差不多時間上機. 一姐又話今次放過我, 唔落report,　真是要感謝大家啦!

原來今日係黑色星期五! 真是...

救我呀!

唔知點解竟然比人hack了部電腦, 主要係email同friendster message比人看哂,同copy了send比第二個,係yahoo同hotmail 的account都比人入到, 我已經成日logout的了... 都可以咁? 我真是覺得好唔安全,好冇私隱呀! 有冇人可以拯救o下我呀?

'我想問你一個問題'

10Jan
今日做班上海turnaround都好輕鬆,因為做business,兩程都唔full,最多都係得20個客... d同事又好nice,哈哈! 不過同個同事就搞笑,因為她拿d咩出來,我都幫佢收埋... 例如: 我見到有袋毛毯係椅上, 又冇人埋, 咁我就認為d客上擺行李就拿下來,咁我就把袋毛毯抬番上overhead locker啦, 點知原來係另一個同事派緊,只不過因為要'ARM' door, 所以她就擺係椅上先... 激死她! 接著我見到有袋雜誌放係個compartment出面, 咁我就收埋它, 點知我果個同事又話她諗住fill up個雜誌架, 唉, 我同佢真是唔合拍... 再接著, 收客人的盆(餐)時, 我見到個客的酒杯已經冇酒,就幫他換過杯... 我收隻杯時,個同事又拿枝酒出來想幫個客refill, 咁通常我們都會拿隻杯入galley倒酒的,可以順便幫個客換新杯ma... 唉... 真是笑死人,我諗佢真是想打死我了... 哈哈!

做完service... 有個客(已經成程用好奇怪的眼神望住我)問我,仲用好嚴厲的語氣問我, '我可唔可以問你一個問題?', 首先我一路同佢講英文, 因為seat chart度他的名係好長的外國人的姓咁, 點知原來他係香港人,咁我就認為佢想問我點解成程同佢講英文... 咁mean?!?!!... 個心怯一怯... 跟住他問'其實你用咩香水咁香的?'. 嘩! 真是比他嚇傻呀! 不用咁認真嘛!? 咁我就話係Marc Jacob的'Blush',我叫他買來送比女朋友啦, 他就笑了... 唉... 比佢激死...

夜晚去了跑馬地的'蓮園'食野, 竟然見到Eason陳奕迅喎, 講了他成日,點知真是會見到他,我都係第一次見他真人呀, 好邪呀! 哈哈! 真是'日頭唔好講人, 夜晚唔好講...=p'了... 好驚呀!

超開心

新年滿希望, 前路由我創! 哈哈! 好似廣告呀! 呢排的standby都冇call,實在太開心了! 今個月已經比平時多假了, 再加埋冇call, 就好多日假了! 好relax了,好free了,番工唔覺得辛苦啦! 簡直perfect了! YES, KA! 哈哈! 我諗我真是傻傻地了...
呢個月番工都係好開心, 因為都有friend=傾得埋的同事! 所以番工都冇咁悶, 開心些... 好似我會bring多d野食上機, 同大家分享. 咁昨日yanki就特別送盒巧克力比我了,好sweet啊! 我好鐘意咁樣,咁的工作環境先好o麻! 又同個SP一同玩sudoku,幾開心呀,又傾o下心事咁... good!
聖誕節同新年去了Tribeca玩,覺得自己後生了,哈哈,又可以同朋友一同傻,幾開心! 如果快些放假再同佢地玩就好了! 身邊有好些朋友都未有拖拍,真是好想可以幫佢地互相介紹,不過好似有d難度...唔...
好想看Eason演唱會呀,邊個?快些買飛,我就同邊個看了! 好嗎?
好野,番埋明日又放兩日假,yes! 呢個冬天呀,我仲未打過邊爐未食過煲仔飯呀!有冇搞錯呀?!! @#$%a*^*&(

今天的我

今日做4程機,即2個turnaround一齊來, 去完寧波回來再走多轉福州先番香港,感覺就好似趕車,轉車咁,上車,下車... 重複上客,落客,講完歡迎你好,再講多謝,bye bye... 哈哈~!
本來呢幾日訓得唔好,極唔想起身,不過沖了涼就醒哂... 好彩4程都唔多客, 所以都捱到! 同埋同個阿姐係十個好傾, 原來佢都係屬羊,同我同星座! 唔怪得啦! 仲要隊長想約佢去街,真是笑死,佢話勁樣衰,唔係話隊長樣衰,而係好瘀喎,係咪玩野呀?! 哈哈!
好累,超眼訓... 好彩明日同後日兩日假,仲要之後standby, 希望又冇call啦!!
今日個客仲要識看相, 贈了我幾句,話一看就知係叻女,會係女強人,不過叫我做人要看些,如果唔係會好辛苦,話我個人好講求理據,好惡o下ga... 我話係呀! 哈哈!
要訓了... @_@

哈哈!

今日終於都冇call out了, 好開心,可以做o下平時冇時間做的野... 不過都係冇去做仲有8次未做的facial, 點算?真是浪費金錢！不過真是唔就腳，都冇辦法！昨日見到個走了的同事坐我們機，都話我們公司做到好平，所以咪咁full！佢去了virgin度做，都有幾多同事過了去．不過最多都係去隔離公司CX! 成日都諗番如果之前真是做CX唔做港龍會點，可能好快就會唔做了，因為唔想成日都做長途．雖然有多些假，不過會好掛住男朋友同家人... 但見個朋友請病假又請得好爽喎... 真是針冇兩頭利！

今晚去了阿婆家食飯，好開心... 她在想當年，好好笑，講我舅父細個的百厭野... 哈哈！話他偷食糖呀，搞到唔舒服得好緊要，因為本身己出水痘的了... 太熱氣喎!

新年進步

2006年話咁快就到了... 祝大家新年進步, 身體健康! 時間真是過得好快, 係太快! 有些喘不過氣來...
30晚同ken(從美國回來渡假的朋友)出去食飯同飲酒, 又醉醉地... 31號晚10點幾出去, 去了灣仔一間樓上酒吧, 倒數完覺得唔係好得, 所以都係去番24號晚去果間... 又發癲咁跳舞同飲酒... 又醉了... 呢排都成日醉... 不過都番到屋企, 同好好訓...
但唔知點解覺得唔開心, 好lonely... 唉...
31日號大除夕係standby, 竟然冇call, 勁開心... 反而今日2日10點已經開始standby,到2點諗住好安全, 應該又唔call啦, 點鬼知2點幾竟然電話響,要番工!!! 嬲死我啦>_<
31日晚諗住番屋企時,間club的staff叫我們幫佢地做model影相喎, 大家都已經醉醉地的了,想番屋企訓了, 仲影? 諗住影一,兩張就ok了,點知又搞了成大半個鐘! 好煩呀! 仲要話我們應該要點..點...點點...但又無禮貌呀! 痴線ga! 我同個朋友都話希望d相影出來, 全部唔ok!
明日無端端轉了做standby, 本來係要做上海turn的, 所以真是比公司激傻, 1日到現在的duty都係同roster完全唔同的... 月頭已經咁亂, 可想而知農曆新年會係點??
大家應該發現我呢個blog完全係講o下呢度, 又轉了去第二度咁... 因為我已經好眼訓了!!