吳彥祖

昨日做班北京機, 竟然有機會serve超級靚仔吳彥祖同佢女朋友Lisa S., 佢地都好sweet, 不過班機都無咩客, 他們都好free... 他們兩個都好nice呀! 真是靚仔靚女呀!
回程時因為經濟位爆滿,咁有幾個客要upgrade, 但由於有好多團,所以就出現了好多混亂, 因為北京的地勤唔知香港的導遊會幫客人調位的, 咁導遊們都係upgrade自己,但個ground staff就up錯了一個客人, 搞到個導遊就坐了去人地的family度,不過個客人就話無所謂,但個導遊就死都覺得有問題喎... 而佢又唔懂得表達自己,搞到好激動咁,唉... 仲要搞到delay呀! 其他導遊都看唔過眼,同我們講佢係part-time的... 又怪怪地的.
總之搞到其他business的客唔係咁滿意, 點解要搞咁耐lor...
搞到我們又遲了放工lor... >_<

聚會

節日往往都是聚會的好日子, 而在聖誕節這普天同慶的大日子, 我就分別與家人聚賭(25日)以及慶祝節日(食M記,因為掛住打麻雀)... 打到晚上9點多... 在回家途中, 心血來潮打比住屋企附近的小學同學, 問他在做緊什麼... 他正在旺角與朋友聚會.
他於是問我會否join他們, 咁我就話不如再叫埋剛從外國回來的另一小學同學,而隨即又提議再叫某某出來, 最後竟然可以有我們共8個同學聚集到旺角的cafe, 實際是太難能可貴了!!!
大家不斷講番以前好多的事, 都笑到碌地... 不知不覺傾到3點,好開心... 希望下次的聚會可以快些搞得成了!
呢幾日都零晨2,3,4,5點先訓, 24日放工去玩, 25日小學同學聚會,26日27日放零晨12點... 好累. 但又唔敢請病假. 唉...

MERRY X'MAS

聖誕節 快到了, 希望大家都可以開開心心過節啦!! 同埋可以有好多好多 , 好似咁樣 --> ... 哈哈! 呢排都去了上海同北京過夜, 真是凍到傻了 , 香港真是好好呀! 好鐘意香港的所有野!
係上海買了勁多碟, 過關時都有些驚ga! 不過都ok喎! 好多想看的戲都買到... LOST個個都話好,真是要看o下...
25號可以放假真是好難得的, 好記得第一年入港龍的聖誕節,係called out的,仲要係1-2-3的pattern,程程都full, 仲要之後三日都要番係3-2-1pattern, 即係六日的duty. 所以好想可以開開心心出去玩,可惜d老死都同男朋友過聖誕節,好正常的...

明日平安夜要番工,不過好少客,我會帶好多朱古力請同事食的!大家開開心心!

最後祝大家

好頭痛

真是好頭痛... 北京實在太大風, 吹風吹到頭都痛埋... 好辛苦,仲要去埋廈門先放工, 好累>_< 不過好彩唔係好多客!
好頭痛呀!要早些訓覺了...
出了糧了!好開心!!
爸爸回來了!yeah!!
今日serve鐘漢良,唔知大家仲記唔記得佢係邊個呢???

極唔想番工

昨晚開始條腰勁痛,唔知點解,今朝起身之後都係咁,好驚 ... 都係要小心些,注意多些平時做野時的姿態要正確些,唉...
今日又極度唔想番工,唔知點解,要去 北京過夜,實凍死了 ... 又好似好多野未做,想今日做... 已經洗了衫,洗了碗 , 但未抹地,未去d舖頭拿番 d衫,又未去洗衣舖 拿衫...

但係都係唔好請病假了... 要努力呀!!! 看到南韓的農民 咁努力,真是好感動!

購物

這些日子不停的買東西, 可能是因為工作辛苦的原因吧... 但可以買到心頭好真是好開心! 仲要是香港已經冇哂貨, 但比我係台北買到, 係東京transit都有時間落機買, 真是好開心! 呢個Dior的唇彩真是好靚呀! 仲要買得平過係香港買! 哈哈! 仲買了好多其他化妝品 ...
另外又買了好多衫 同鞋 , 好似我買呢件 Nice Claup的衫, 我都好鍾意...
可惜有好多上網見到的都好似香港冇, 又可能已經賣哂啦... 不過都好滿足了!

天氣真是凍了好多呀, 好想成日留係件被入面訓覺...

好累

由12月開始到現在, 我竟然都係番工,只是5號,6號放假,全都是工作... 仲要係大部分時間都不在香港! 唉... 真是好累... 好似訓極都唔夠...
日日都要早起身除了放假果兩日... 日日都係6點幾或再早些(即係未天光)就要起身番工,真是癲了!!!! 癲的!! 想死...
>_<

金花約會

今晚同小麗同晶晶去了銅鑼灣泉章居食飯... 約唔到吉蒂, 可能佢又番了大陸做野啦. 雖然訂了檯都要等... 可想而知果度幾受歡迎! 我們要了個4人餐,都好飽... 又抵食! good!
食完又去了樓上d coffee shop飲野... 都成12點先回家,不過好enjoy! 因為好多野講! 希望可以keep住個個月食一次飯啦... 至慘我冇得成日放weekend的假啦... 唉... 好想可以打邊爐呀! 等我努力籌備o下啦! ^_^

今日無意中發現又有Flight purser recruitment了, 之前因為放了2個月的病假唔夠鐘考,希望今次無問題啦, 希望可以有機會考試啦... 因為停留係呢個position實在太悶了!!! @_@ 希望可以係公作上有d突破!

Wish me luck! oK?