台灣地震

前晚台灣的地震搞到香港的網絡都大地震... 台灣地震中一位母親捨身拯救自己一對兒子, 令人完全體會到母愛的偉大.... 希望上天更眷顧這對兄弟.
無法登入大部分的網站, 十分懊惱... >_<
這幾天真是睡極都唔夠, 可能是夜睡的關係啦, 就算睡了9個鐘睡到中午12點幾都仲好累. 昨晚同家姐去了北角哥哥家做送錢大使(不敢叫自己做觀音了, 家姐更加無可能)... 約了家姐是樓下等, 點知她等了我10幾分鐘, 我先落樓, 因為我出門前發現自己唔見了d好緊要的東西, 家姐話好似做了我男朋友咁, 因為要在街等我10幾分鐘... 我就話無辦法了, 因為我真是唔見了d好緊要的野, 就是我對眼眉呀!! 咁一落樓因為要趕搭船, 所以就行得好快, 點知家姐話她特登等埋我去碼頭, 我就自己行咁快, 駛唔駛好似跑馬咁呀, 我問她是否要帶panasonic果部騎馬機來呀? 我們已經跑緊去趕船, 仲要一路講一路笑... 好辛苦呀... haha!
去到北角上樓時又要被管理員問搵邊個, 家姐話唔答叫我答. 入到電梯我同家姐又講了, 次次都問好心認下我們啦, 我話係啦我們都有份比管理費的, 即是有份出糧比他們ga, 因為我們成日來送錢比個業主呀, 我們應該是VIP tim呀!
打打o下牌, 阿哥又照例發火, 咁我們就話他個頭邪住哂, 阿哥就話自己個頭是神性不可侵犯的, 點知家姐就聽到話, 咩不可裝飯呀?? 我們就是咁笑死了...
我同家姐成日一見面就會不停講笑... 所以都好開心的...

金花聖誕

今年好開心可以同金花過聖誕, 想起大家一同過聖誕已是好幾年前的事了... 昨日能夠一齊整野食, 傾計, 覺得真是好開心... 好warm呀! ^_^ 希望下年我都可以是咁warm了, 當然更希望大家有大家的至愛一起會更好了.
我們在jusco買了salad, 壽司(我整火炎三文魚!!!), rib, 雞同整意粉食, 好正呀! 飲了2枝wine, joyce最易醉lor... 我們交換禮物又玩大富翁. 不過時間過得太快了, 玩了一陣已經12點了, ivy同joyce要上班, 所以就各自回家了.
ivy同kitty講回那晚我大嘔的時候, 發生過的事, 真是好搞笑, 不過我是記得發生過的... 好醜怪呀>_<

平安夜

呢幾日都回早機, 好辛苦... 好累... 好眼訓... 下午回來屋企就訓著. 昨日平安夜都不例外... 一直睡到6點幾食飯, 本來下午計劃了同vivian食tea, 不過她話唔舒服就冇出來, 而我又冇expect有節目, 打算一直睡覺, 因為朝早又要6點 幾回到公司.
不過kitty話好應該出去走走或飲杯, 又唔想同人迫, 於是打比ivy, 她又會出去, 於是就約了去銅鑼灣. 我們同埋ivy同事同她的friend玩, 都是玩果d考反應的遊戲... 最後我是飲到嘔的.... 咁大個人除了細個搭車暈車浪同去歐洲食了garlic oil藥, 好耐都未試過嘔得咁勁. 從未如此飲醉過, 一定是太累同食少野先會搞到咁核突. 好彩kitty同ivy全程陪住我, 送我回家... 真是好核突, 嘔得太多了... >_<
雖然是這樣, 我都是要番工的, 因為只是台北turn同埋我知我一定做頭等是冇客的... 回到屋企我即刻call的士同換衫同埋繼續嘔... 飛奔落去搭的士. 司機幫我開得好快, 不過我都是睡著的. 0655report, 我0653落車, 2分鐘飛上去... 真是暈, 不過我是清醒的.
ivy同kitty好驚訝我仲番到工, 我話請唔到假, 因為要2個鐘頭前打電話回去請的, 而我又嘔到差點唔記得要番工, 好彩是嘔的時候在的士都望下個鐘, 先同kitty講我仲要趕番工...
不過我上的士後知道我銀包是無錢lor, 因為她們送我番屋企時, 都是從我銀包拿錢搭車... 哈哈, 好搞笑. 好彩我本schedule度keep了幾封生日時的利是... 先有錢番工...
真是聖誕快樂呀!!

Lonely Christmas

Lonely Christmas 陳奕迅

曲/詞：李峻一
誰又騎著那鹿車飛過
忘掉投下那禮物給我
仍是那燈飾 只有今晚最光最亮
卻照亮我的寂寞
*誰又能善心親一親我
由唇上來驗證我幸福過
頭上那飄雪 想要棲息我肩膊上
到最後也別去麼
*#Marry Marry Christmas
Lonely Lonely Christmas
人浪中想真心告白 但你只想聽聽笑話
Lonely Lonely Christmas
Marry Marry Christmas
明日燈飾必須拆下
換到歡呼聲不過一剎
#Repeat * #
明晨遇到 亦記不到
和誰在醉酒中偷偷擁抱'
仍然在傻笑 但你哪知道我想哭
和誰撞到 亦怕生補寧願在醉酒中辛苦嘔吐
仍然在頭痛 合唱的詩歌聽不到Repeat # #

12月18日

今日見到Eason呀, 超級開心... 他真是好nice呀!!! 本來我會仲開心lor, 因為我本來是做頭等的!! 但我同阿姐講話我好耐無做頭等早餐, 她就轉我做business... 唉... 我見到eason坐頭等的時候, 我真是尖叫呀!!! 有冇咁邪呀?!!! 想死呀! >_< 不過我都是忍不住同他say hi, 同他講我好鍾意他呀!! 他同我say hi又同我笑!!! 哈哈...

雜誌

前幾日做了上海turnaround, 做頭等... 果日我個額頭應該是刻了"亞洲週刊"呢幾個字... 6個客有3個都問我拿亞洲週刊, 仲要有一個是鬼佬, 好笑, 他又看明報週刊, 又看亞洲週刊... 他件恤衫仲有他個中文名.
今日個鬼佬一上機又係咁講國語, 唉... 好搞笑不過都好煩lor, 因為真是唔慣同鬼佬講國語, 即係好似你明知個人是香港人講廣東話而又同你講英文...
雖然我知他們想show off, 個鬼佬梗係想人們覺得他好得意, 好勁呀, 問他為什麼講得咁好呀...

可以點樣??

我可以點樣??? >_<

煩

好煩呀!!! 真是好煩呀!!
煩呀! 好煩呀!!!
>_<

又放完大假

對! 5日大假連4日dayoff咁又完了... 絕對是轉眼間! 時間像一縷輕煙, 就這樣溜走了... 語調也變得文藝了... 哈哈! 因為這陣子, 突然撞見以前中學的同學, 實在太巧合... 跟表姐到婚紗店時又是在太子區, 很懷念以往中學時的種種...
最感意外的是有些已婚及已為人母, 很高興能再相遇又會彼此寒暄幾句, 絕不會扮唔識看不見...
整個假期都是為別人而忙, 自己的事有很多還未辦妥, 醫生倒看過兩次了... 真是病了. 長期睡眠不足, 經常缺乏優質睡眠, 只知道吃喝玩樂... 打麻雀同食就是我現在的生活... 當然買東西都是... 不過都會節制的... 不可能經常做...
好同事kate結婚, 這真是一個搞到好多人哭的婚宴... 因為真是好感動... 當表姐同kate註冊那一剎那, 我都有眼濕濕想哭的感覺... 因為真是為她們感到開心, 各自有自己的幸福.
前日特別走到赤柱想吃那裡的西多士同飲奶茶, 竟然就是舖頭唯一休息的時間, 星期二下午... 激死!!!