好繁忙呀!

星期六從東京回來, 竟這樣結束了7日東京之旅... 都幾累, 大家都病了... 不過還是開心的! 多謝你!
回來後都有好多東西要整理, 例如準備上班就已經夠忙了, 上網search好多資料... 又要整理買回來的戰利品! 嘩! 好重呀! @_@ 所以我破產了!! 唉!
一開工就是standby, 仲要係6點開始, 就call了果個最變態的pattern, 3-3 香港台北台北香港再由香港去上海過夜, 第二日由上海回來香港, 再由香港去上海再回來香港! 咁的pattern呀! 實多人請病假啦! 我5月1日已經又是call out呢個pattern了, 又係downgrade做回FA, 咁我要幾時才可以正式做purser呀?我就唔記得training學的野了！
不過好在上海回香港果程可以正式做頭等了，好緊張呀！第一次呀！又要負責賣duty free items, 最大問題是真是要自己去check哂所有貨仲要是有back up的都要check, 自己負責所有錢的交易，又要交回給公司的，好多野要handle, 仲要係都要做埋service，幾趕呀！好好彩呢幾程機有好好的同事幫我，仲要係真是好幫到我喎！因為我真是made mistake呀！好彩有咁好的同事jar! ^_^
卒之皇天不負有心人，因為天氣差要delay, 咁我們就不可以再做因為會過了我們可以飛的limit,　所以上海回來後我們可以放工了！哈哈！咁我可以做好多野... 趕到回公司拿洗了的制服, 放了大假呁耐都冇回過公司．又要拿回之前交的醫生信去診所蓋回個印！真是激死，咁都可以少蓋了！搞到被公司追我．
今日standby竟然冇call呀！哈哈！咁我又可以去診所追番個印啦，又可以做屋企啦... 最緊要是'的'起心肝執衣櫃呀！因為要換季了, 真是好累@_@ 未執完家姐阿哥同阿嫂就回來食飯（special function), 食完飯又梗係唔少得打幾圈啦... 結果是由贏變輸，仲要是因為阿哥上訴，如果不是，我是應該贏的！打到３點但我是未執完衣櫃喎！唯有開turbo了，搞掂lu...

我是一頭豬...

望著鏡子, 看到一個哭到像一頭豬的女人... 為什麼?
明日還要做早機... 唉...

可愛的士司機

成日搭的士所以都見識過好多不同的的士司機, 今晚呢個都幾搞笑... 是一個伯伯又可以話是阿叔了, 聽收音機的, 都十分正常呀! 不過聽聽o下是性熱線節目lor... 仲要講一個女人打上去話自己老公'早洩"lor! 仲要他仲要較大聲d呀! 激死, 仲車錯了我去街口落呀! >_< 之前有一個好好的司機, 就兜第二條怏些的路, 而車費又貴了的, 他竟然話收番行本來個條的錢, 咁我話唔得因為是我同意行第二條路的, 而又如果我行本來果條都會塞車塞到貴的啦... 但他堅持只需要比少少lor, 真是好到爆!
另外又有次同個70幾的司機伯伯傾計, 他真是唱歌好勁呀, 即席唱刀郎比我聽, 好似的啊! 他仲話特別學國語的... 他個女仲收錄做電話鈴聲呀!
之前忘記了同大家講有同事介紹, 北京有一間食店叫"李老爹"的... 真是吹漲呀! 哈哈!

搞笑的名字

曾經到馬會時, 見到個阿姐個名叫"馬桂好"! 嘩! 馬會點可以唔請她呢?? 好名! 又有聽過好多好搞笑的名, 是真有其名的, 有男生叫"周富幀", 見過的士司機叫"劉備", 森美小儀節目度森美話他以前個阿sir叫"高榮", 不過姓"區"! 又有叫"式添", 不過姓"吳"!!! 又有"漢森"姓"吳", 英文是"Ng Han Sum"! 我見過個女乘客, 姓"金"名"露"! 好好聽! 又有姓"朱"名"寶"!
相信大家都聽過"陸浩昌", "吳美麗", "吳高", 姓"吳"真是比較難改名"... 而普遍都是祖國有多些特別的名, 因為有好多特別的姓氏! 例如姓"冰", 同事有姓"聞人", 是複姓... 好特別!
仲有一個以前的同事現在已經是某電視台名女主播的"黃珊"!! 哈哈!