北海道之旅 (身在札幌酒店)

10月21日
星期日一大清早6:30起床出發到北海道, 心情有點緊張, 因為是第一次到這裡呀(也是期待已久的旅程). 之前一晚打blog同upload相到3點多才睡覺, 上到機其實應該睡, 但在飛機看了有'我要成名', 怎可以錯過? 真是好好看呀! 男女主角都做得好好, 女主角霍思燕一點都不像新人喎! 劉青雲真是好正呀! 記得之前看'戲王之王'都看了兩次, 第一次我真是看到哭, 大家不要覺得奇怪! 我真是完全被詹瑞文講的說話感動! 我是熱愛話劇的!!!!!
看完套好戲, 發現仲有另一驚喜, CSI:NY呀! 嘩! 香港現在只是播CSI: Miami同CSI: Los Vegas. 呢集的劇情都幾特別, d死人真是做得好真呀, 好恐怖的死相呀! 真是難怪CSI咁受歡迎lor! 製作認真ma! (我由細到大都鍾意看明珠台的肥皂劇同劇集. 一來小時候冇咩娛樂當然最好就是看電視啦, 二來家姐看什麼我就看什麼啦!) 現在在大陸的老翻舖都可以買到大量的劇, 中日韓的都有大把你買! 竟然比我發現有一套我勁鍾意的Ally Mcbeal! 大學時我用它來做final year project呀!
只是4個小時, 我們就到了! 早了45分鐘呀! 由機場轉JR就到酒店了... 但check-in就搞了好耐呀!!
天氣都幾清涼, 沒有想像中的寒冷! 室內的暖氣真是有點意熱tim! 最慘是房的空調現在只有暖氣呀! 又開唔到窗! 大陸overnight又係咁.
在酒店附近有個mall, 都有好多東西買... 不過我已經冇咩意欲買野... 哈哈! 之前已經買了好多ma! 但有些東西始終要買的... 就是護膚品同化妝品了!
真是好鍾意行日本的超市, 有好多好野買, 試食是一大兜的(平時在香港唔會試, 但呢度的真是好好味的)! 搵東西食, 好順利就比我們見到mall的food court有平祿壽司(我們在東京都食了3餐). 狂食拖羅同燒蟹腳, 最後食海膽才發現北海道的海膽原來可以咁好味! 在香港都有食過北海道海膽, 但今次食了真是超級出色超級超值的! 一定一定要再試!
成晚睡覺都覺得好熱... 睡不到呀>_< 酒店比了把坐地風扇我們lor!
10月22日
又是一早起身, 因為早餐是包的... 冇理由唔食... 結果8點幾起身!!(香港7點幾! 為什麼日本要快香港成個鍾? 遲一個鍾咪好lor!!!) 食完就搭subway去了shopping center, 都是行百貨公司但主攻超市! Tokyu hands又是必去的, 結果又掃了成大袋! 午餐就去了食'天一'天婦羅(又係去日本的必食), 北海道的又有些不同. 我們發現這裡的帶子同蟹真是超級超級好味呀! 點完又點lor! 好飽...@_@
回酒店休息了一會... 結果是睡著了! 到8點多食了一些7仔買的關東煮! 正!
明日開始plan去小樽了! yeah! 同埋仲要買野... 買極都買唔完...哈哈!