生日派對

這陣子的我對工作可謂完全無熱誠可言! 更不想做經濟艙(EY), 原因不是因為客人或是否經濟艙, 而是不想對住咁多新人... 我完全對他們無任何歧視的意思! 我只是覺得成日咁多新人迫在經濟艙(她們無choice, 新人是由EY開始), 對我們來說, 真是好辛苦! 我比以前請得多病假都有些受這影響. 可能真是時代的轉變, 新一代的思想有時不止難以理解, 是難以置信! 所以我都是比較少提工作的事了.
最近令我非常開心的事, 就是籌備我的生日party了. 記得小學時, 爸媽都會讓我在家舉行生日會. 那時候真是非常開心呀, 可以同好朋友慶祝, 表姐表哥都會參加! 又有好多東西食, 覺得自己都好幸福! 想不到咁多年後的今日, 又可以重溫那感覺!
在19日夜晚, 約了大約20個好朋友同同事同自己慶祝! 好彩不需要我自己book, 有朋友幫手! 真的多謝他呀! 我想我會買好多即影即有菲林, 同大家合照! 這是個好主意嗎?
至於生日禮物方面呢... 哈哈! 我昨日已經收到第一份了! John送了個iPhone比我呀!! ^_^ 超級開心!! 好多謝他!
不過如果有人送我好鍾意的小鹿斑比的東西比我就好了... 仲有如果有Eason同周杰倫的演唱會飛就好了... 如果有香港話劇團10月28日的"梨花夢"飛或者詹瑞文的"萬千師奶賀台慶"飛就好了... 又或者有個好靚的生日蛋糕, 一隻好好聽的CD, 一本好好看的書, 一支好好用的護膚品, 一個真誠的祝賀, 我都好滿足! 一個好開心的晚上就是可以見到你們, 我的好朋友呀!!!