瘋狂北海道之旅

話說看完陳奕迅演唱會之後, 第二朝要做班日本北海道的旅行社包機, 全機滿座... 仲要係朝早八點幾回到公司, 做到夜晚十點幾放工. 來回都客滿, 仲要係做54的商務位(即頭等艙同商務艙combine), 不停來回咁行, 真是行去北海道呀! 果個地方叫釧路, 唔知大家有冇聽過? 係接到更表前我真是未聽過呀! 轉機時出了去機場掃貨, 真是咩都買, 當然全部零食啦...　個機場太細，所以落客都要分三次落... 同ｄ客傾計... 我好奇怪為何假期後仍有咁多人去旅行, 原本佢地話好多旅行社都推薦呢個團，又平又係北海道！五千多元就可以玩五日喎！唔怪得咁滿！>_<

佢地係釧路入旭川走的，我明日就係做旭川了！真是好開心同感動呀！因為我又會見番同一班客呀！我五日做兩程做兩班日本包機，真是勁過中六合彩頭獎啦！記得果日做釧口路放工後，差不多行唔到路，隻腳好似斷了咁．轉機時，去機場買了好多零食，好開心．好似去旅行咁，所以明日又會買呀！平衡番個心理呀！好彩明日回程係坐機回，因為係朝早八點前番工，咁工作時間唔可以超過十二個鐘，但由於果日做釧路係朝早八點二十五分報導，所以就兩程都要做，到夜晚十點三先放工，真是人都癲呀！！