咸竹蜂

今日一起身真是好似啞了, 完全無了聲, 一講野真是嚇死人... 今日仲要出街搭車, 仲要係搭小巴, 即是要嗌落車... 唉... 好恐怖呀! 上車時硬了頭皮問司機野, 點知個死人頭無反應, 仲要係我問了兩次呀! 佢先話點呀?! 真是激死我! 如果我唔係有事, 我實即時落車等巴士都唔會搭佢呀! 問了他個地方, 竟然去到佢都唔叫我落車, 我把死人聲咁樣, 我真是唔想嗌有落啦!!! 不過始終都叫了出口!
回家時竟然又會上了他的車喎, 真是想死!!!! 唉! 如果唔係趕住番屋企,真是唔搭呀!＞＿＜
今日又打麻雀，又食十三么，不過又輸錢！
阿婆知道我失聲就執了ｄ好野比我沖飲... 因為我都真是試過好多次咁樣了... 就係飲咸竹蜂了．係一隻隻黑色的竹蜂呀！係水度浮浮下... 好恐怖呀！但真是好有效喎！ｄ痰即刻無哂！哈哈！仲有ｄ沙聲，唔知番唔番到工．唉！