終於...捱過了！

26日上完一個crew resources management的seminar, 都幾悶, 全日就是講stress management... 第二日本來做一班北京overnight的夜機, 好輕鬆的, allowance又多... 但竟然cancel flight, lunch time就有message話要做另一個pattern的機, 嘩! 一聽到個pattern, 我的心情簡直是由天堂(收到7月個roster, 1,2日有假, 再連埋6月30日假, 連放3日)直墮地獄(做1-2-3 的pattern), 香港去上海過夜, 上海回香港再去台北過夜, 台北回香港再去上海再回香港!
離開公司都已經5點, 但是我要第二朝6點40分report duty喎>_< 真是好不開心, 為什麼呀!? 為什麼是我呀?! 我已經是不喜歡overnight的, 仲要3日2晚overnight? 仲要是第3日做3程? 有冇搞錯呀? 想死呀... 但我已經冇時間諗咁多... 因為要食飯, 執野, 訓覺...
好似完全冇訓過覺咁, 4點幾5點起身回公司... 做business, 又是full, 唉... 去到上海就訓到放晚8點叫了room service, 都幾好... 第二朝又是5點起身, 6點20分report呀! @_@ 上海回香港又是full...
去台北果程又是做business(冇first class), 好彩唔full, 但明明不用做duty free的我, 竟然要做因為個chief purser(一姐)是downgrade做fligt purser的, 咁我就要幫她check哂d items, on ground我已經冇時間check, 唯有起飛後做完serivce先check啦, 但是果時就會得回差不多30分鐘lor, 因為成程得1個鐘20分鐘!
最黑是竟然有discrepency (即是record話有uplift到, 但我check時是冇uplift到的)呀! 我之前的flight都好clear冇試過有item是冇的! 咁變了又要多些時間去double check/trible check... 唉! 想死!
check到有3個items是無的, 好趕咁check了, 又要land了, 咁就要好快咁close回個record啦... 完全冇時間食飯...
去台北決定要去行街, 要輕鬆o下... 出街都4點了, 買了都幾多野, 6點食飯(打邊爐)都幾味, 好飽...仲去便利店買了個朱古力雪糕批呀! *_* 回到酒店(應該是賓館), 看了套好好看的movie... 想訓時竟然關不到個電視(用remote), 但個remote又可以轉台喎, 奇怪呀! 咁我就自己嚇自己了... 就成晚冇關電視, 但我就較細聲d啦, 點知個remote又唔得喎, 我就走去自己較啦... 但點解我又唔自己用手關電視呢? 唔知呀! 因為驚lor! 成日認為如果都關唔到, 或者如果關了,它自己開番, 咁我咪嚇死?! 哈哈!　所以就由它開了, 咁就成晚都醒o下, 訓o下... 唉... 想死... 超大個黑眼圈...
又是5點幾起身, 6點半report duty, 第3日早起身呀! 死得了...
台北呢程都唔full, 但又是要check duty free items, 不過就冇問題... 但我都冇賣野, 因為我是幫人check的, 我不用賣... 但我發現原來我之前一日check少了一個discrepency, 原來仲uplift少了一盒cigar呀, 所有discrepencies都要事先report的, 瓜田李下ma! 如果不是, 我要陪錢的... >_<
但最不開心是, 竟然重要做多兩程... 上海turnaround喎! x_x 要做頭等, 又要賣duty free, 因為no choice, 唔夠人... 頭等竟然都是兩程都full呀! 真是叫救命呀! 好累了, 兩程都是lunch, 又個個客都食喎... 頭都暈呀... 做完野, 又要check 幾百個duty free items喎, 唉... 好彩唔多人買野(要負責business同first class的duty free).. 得一個客買, 但我真是太累了, 竟然計錯錢, 仲要是計少了... @_@ 好彩我準備landing時都會double check一次d 價錢同個transaction, 所以即刻同個客講, 他又好nice, 所以都搞得掂...
唉... 放工時已經5點幾... 呢三日簡直是我體能的極限呀...