開心

呢排都幾開心, 因為覺得自已幾有運啦...

有次番工, 如常搭的士去kowloon站, 原來司機是街坊來的, 我當然唔認得佢啦, 佢話佢住隔離街成日都會見到我番工喎, 係今次先咁橋坐他車... 咁就係咁傾計了... 講o下他以前原來是某大日本百貨公司(已結業)的高級員工, 出trip時都有些搞笑事發生的, 例如見到某某老細掛同日本妹傾計多過傾生意喎... 跟住他又話下次會免費車我入機場lor, 真是好人了! 哈哈!

放假的日子又是同家人作戰的時間, 一家都是愛作戰的. 而我終於又有番d斬獲了, 不再像之前常捱打了! ^_^ 呢兩年端午節, 婆婆已經沒有包粽了... 好失望... 所以都是飲茶食番夠本...

工作也幾ok, 不過成日downgrade就真是頭都痛呀! 不是不想做番FA, 而是如果咁樣的話真是點過probation呢? 到現在為止, 都只是做過一次頭等jar, 不過都好彩因為都賣過duty-free... 成日call out都是downgrade的了, 因為唔夠FA... 而我們FP(仲要是FPF- 即是剛promote的purser)就用來"祭旗"lor... 唉... 做purser都有不過都是做business, 都可以應付, 但做的時候真是原來好多野要看lor, 真是比d caterer(catering的人)跣的, 冇上到咖啡用的cream, 又試過冇上skimmed milk, 最離譜是上海的caterer竟然連餐盆上的cutlery 都可以冇上lor! 好好彩d senior都對我好好lor... 冇比人話都算是好好彩了.

話說上個月尾要做班上海turn(即日來回)的, 公司打來話不夠人standby比他們call, 所以就要call我做班北京overnight, 嘩! 我即刻開心到呢, 猛話冇問題啦! 有allowance, 仲要是一程去, 一程回仲要是早回, 即是早放工啦... 仲要之後的duty做唔到轉了standby無call喎! 真是雙囍啦! double-happiness!

而今個月一開波就要做連續5日的duty的, 仲要是1-2-3 pattern再上海turn再廈門turn的... 1日晚夜機去到上海, 第二日下午3點幾pick-up的, 誰知香港紅色暴雨, 好多機亂哂, delay呀, cancel呀... 咁我們駁的果隻機係香港都起飛唔到來上海, 我們就番唔到香港了... 咁一早已經通知我們會遲些pick-up了, 但要等消息, 咁就唔敢出去買野食了, 又唔敢叫room-service喎, 萬一電話打來話走得, 咁點呀? 好彩我之前係香港機場買了d包, 又唔知點解果日無端端又會去買包的... 不過唔多唔少都是經驗, 因為做呢d pattern都是要準備d食物好些的.
咁係酒店等了4個鐘又有多些allowance, 去到機場又要等又有meal coupon... 等了咁耐, d客發癲都是可以理解的... 大家盡量滿足d客啦, 好彩他們都好明白... 而我們都好累呀! 因為我們8點去到機場, 9點幾上機, 10點上客, 等到11點幾先起飛! 最後是零晨1點24分到香港! 不過我們不用再去台北過夜就已經好開心啦, 因為本來是要去台北過夜, 第二日台北回來再去台北再回來的! 哈哈!

可以回屋企訓覺真是好開心, 我同其他同事今日的duty都要改啦, 而她們就有flight耍做, 我就改了做standby, 而結果就是無call呀! YEAH!