Safety officer!!

我們的primary duty係safety officer! 這說話由第一日safety training開始已深深的印在我們的腦海中. 對於飛行及機艙的安全, 我們公司真是極之嚴謹的, 每一年的年度安全考試都要90分才合格, 換言之只可以錯5條. 好彩剛考試完畢, 合格了!! 但聽到這陣子有同事因遇上氣流而受傷, 就覺得好可惜, 不時都提醒自己要更加小心. 不想家人擔心之餘, 同時都明白到為何training時會強調, 我們要先保護好自己, 才可以拯救更多的人, 因為我們是first aider. 但大多數的人都不明白(自己未入行時都唔明白. 例如是seat belt sign著了, 我們阻止大家去洗手間時就更受到不禮貌的對待. 又或者要大家擺好行李或袋的時候, 都是會受人氣. 唉... 我們都是根據安全條例做事的, 不是要令大家難做呀...
有時候遇上大delay時或有客人'發癲', 我們都會同隊長(captain)講, 試過有些隊長會在做廣播時, 提醒大家我們是被動的(天氣同air traffic control都不在我們控制範圍), 大家要合作同千萬不可以比hard time我們cabin crew呀!! 我好喜歡他們做這些廣播呀!!

為什麼會這樣感觸呢?

本來我星期二做班三日兩夜的機, 去高雄兩晚. 大家都會覺得這是可遇不可求的好機. 第一晚去到高雄, 聽到香港打風又會掛8號, 已經覺得第二日的pattern可能會有影響. 回到香港竟然話第二日隻機downgrade了做細機, 我們有人要做去高雄再坐回機回香港放工. 這樣其實不是大問題, 最大問題是第二日變了做standby呀... 本來高雄過夜第二日放0910呀!!!

第二日卒之0805就有call, 果日都諗到實call了, 天氣咁差, 這幾日的機全delay, 天下大亂咁, 聽完即刻想發癲了, call了大連再駁瀋陽的機, 是香港->大連->瀋陽->大連->香港, 放工時間是1005!! >_< (最後大連->香港是坐機因為太長working hour, 由第二set同我們由香港出發, 不過她們先坐機去大連的, 這些同事就同我們swap了變了她們做, 我們做passengers).

100分鐘去到機場, 仲要是泊outer bay, 即是要坐車出去機底上機, 但當時是落大雨呀!! 仲要是班機好full呀! 一上到機都未ready好咁(廚房又亂), 就要上客. 執行李都執到傻, 派毛毯又派哂. 明明好熱都仲要毯. >_< 我們真是滴汗了... 起飛後又有turbulence, 個客又話好急要去洗手間, 同事問我比唔比他去, 因為他真是標哂汗. 我就比他去, 嘩, 我見到他都覺得他好慘. 我從未見過一個人標冷汗咁犀利, 真是好大汗, 面又白哂. 我想他真是好肚痛. 去完drinks再去完餐已經好累, 收餐前同收餐後條廁所龍都是由機尾排到去機中. 我們出入廚房都好難, 要不停叫唔該借借, 好麻煩!!! 就在這時候同事就話有個女人暈了... 嘩... 咁大鍋??!! 本來仲擔心緊實要勁賣duty free啦. 我即刻衝出去, 個女人不停呻吟(真是可似做戲咁誇張, 不過好可惜是真的)話好辛苦要暈了... 見她面如白紙,透氣又好辛苦, 就起勢幫她除去身上的外套啦, 著了牛仔褸仲有冷衫, 她的冷衫好多粒鈕呀, 好難除呀因為她勁多汗. 想扶她上business class, 從後扶著她, 她又不停話要暈, 她就真是暈了. 一個人暈了真是好重lor, 唯有把她放在走道上(她剛剛就是睡在機中- center of the aircraft)抬起她對腳(treatment for fainting + hopoxia). 沒辦法之下, 決定apply oxygen了. 我同個同事跑去拿oxygen bottle, 另外同事就check pulse 同breathing, 心想又要經過果條'廁所龍'. 大家要知道當時沒有一個passenger問過是否需要幫手的. 拿到oxygen bottle又要迫過條'廁所龍', 去幫個女人apply oxygen. 所謂禍不單行是對的, 就在這個時候, seat belt sign又著了, 我們又要叫客人坐下來, 但個女人就block著條aisle喎. 唯有叫其他人有位就坐了. 聞了2分鐘氧氣, 她終於醒了回去她原本的位. 咁我就叫d客回去他們的位坐, 因為他們連我們的crew seat都坐埋(是違反了safety regulation的), 但他們就話想快些去到廁所, 不肯回去他們自己的位!!! >_< 激死! 有個客仲要問我們可唔可以抬個客前些, 先生你來抬呀! 你知一個人發軟後是多重呀! 救完人已經累死了, 仲要賣duty free!!! 我們真是做到無停手, 得30分鐘都沒有, 都賣到成萬蚊野... 仲要turndown了幾單了... 我心想應該到我們暈了... 後來個女人話她整晚沒有睡覺就上機, 其實這樣真是危險的. 因為血液循環不好, 又長期坐著又有氣流, 想唔暈都唔得啦. 奉勸大家在上機前都要注意自己身體是否適合搭飛機! 她後來在大連機場買了盒朱古力送比我們, 再坐機去瀋陽. 好彩沒有再暈... 不過我都只是食了兩粒, 其他女仔都不是食了好多, 就比個隊長食哂... 搞錯呀!!! >_<

放工時間結果是2300呀... 我們連續做了15個鐘了... 雖然大連回香港是坐機as a passenger, 但我都是休息唔到... 第二日我是睡了整日都是不夠, 超眼訓!!!

結果crew control話我兩日後的機因為我rest唔夠而做唔到, 要改我做晏d的standby. 但我不想standby喎!!! 仲想死呀...