上海,我又來了!

星期六去了上海過夜, 我係joining的crew竟然都做business... 去果程機得2個客．真是好好彩... 不過都好眼訓,所以都諗住係酒店會訓到啦．
點知個廁所真是有病,成晚係度'轟隆隆',嘈到爆炸!搞到我訓o下又醒O下...唉!
第二日真是勁唔想起身,程機都幾full,坐係度真是差些訓著! 做野事見到d客訓真是好羨慕呀! 哈哈! 不過最傷心係諗到回到香港可能有message話要做多兩程就好唔開心. 當然仲會抱著丁點兒的希望, 希望'中獎'的唔係自己了. 又或者中的係'細獎', 例如早去早回又唔full的機啦. 而我當然係中了... 上海turnaround呀... 不過做business都ok啦, 仲有些ground preparation都有人幫了些. 都幾full, 不過客人都幾好, 冇咩麻煩野, 只係有些累啦! 一日做三程上海機真是痛苦的!
好彩回程好少客, 又係2個. 不過都有個麻煩客... 因為我們on ground已經delay, 有個經濟位的客無端端走上來商務位坐lor(經濟位得果30幾個客,相對來講應該仲舒服啦,打橫訓哂成行都得啦). 個鬼佬佢話'I am not going to sit in the economy class for the 45 mins delay!', 'I am not asking for any busines class's food, ok?' 'I am not going to leave no matter what you say!'. 我同佢講佢咁樣做可能會有其他客人跟佢咁做, 佢就話'Maybe they should!' 咁我真是比佢吹漲!
後來個senior purser同佢傾, 佢都講同樣的野... 我們就同captain傾... 不過後來佢就話隻機開始push back(離開停機坪), 佢就會回去後面坐. 結果佢都有回去後面坐, 不過我覺得佢真是搵來搞...
放工時接到表姐留言話阿婆終於都入醫院了, 因為她真是覺得好辛苦... 希望而家決定比她食阿斯匹靈, 她個病情會怏些好轉...