Friday, July 27, 2007

回歸東京日

今日晨早10點幾起身, 昨晚連發兩個惡夢, 好驚呀!!
要搭車回東京了, 好唔捨得間酒店... 不過東京的ANA都好好...
去到車站食午餐, 果到有條食店街, 有好多比較老式的食店(連serve的阿姐都是阿婆咁的). 我們都是食炸豬扒, 其實最穩陣都是食炸豬扒, 實會好好食... 今次我食滑蛋豬扒飯, 仲跟個soba呀! 嘩, 好好食呀!! 男友就食兩大塊豬扒跟飯同湯...
為什麼我們成日都是食, 食同食ga? 但日本的食物真是好好食喎, 又幾抵食. 好似今晚我們又回去壽司, 已經是呢個旅程第三次來了. 又勁食海膽同拖羅, 最後仲同店長合照tim...
又買了hagaan denz 新creme brulee合味的雪糕, 好正呀!
明日就回香港了...
唔想上班呀!! 唔捨得呀!!!

金閣寺

7月26日
之前一日的暴走之旅令我身心極之疲倦, 頭痛欲裂之際, 唯有食粒止痛藥. 結果沖完個heavenly shower(雙花灑頭兼可調較多種角度及灑水模式), 睡在Westin酒店著名的heavenly bed, 真的睡了個好heavenly peace的覺^_^
11點幾起身再沖多個heavenly shower就搭shuttle出了去京都駅. 上了伊勢丹的11樓食午餐, 終於都有得食天婦羅了. 在東京未有時間去' 天一', 不過好彩呢度都有, 這個旅程已經是無憾了. 又是食呀, 食呀... 有蝦, 超大隻的帶子, 大大的蟹腳, 蘆筍, 鰻魚, 鮮菇, 蝦餅, 茄子, 仲有一種好好味的魚, 好少會食咁多天婦羅, 但真是冇咩機會了; 變身成為肥妹的過程, 真是好不容易... 要每天每餐都食到好飽好飽. 個肚腩已經收唔埋了...
之後當然要去行o下啦, 又去了uniqlo. 我們都走了好多間uniqlo, 由東京到京都的我們見到的都會入去, 每次都會有買東西. 不知可唔可以有VIP制度呢?!!
終於都去另一個主要景點- 金閤寺... 呢個寺真是好靚. 全金色的它已經好優雅, 又好莊嚴; 再襯埋它周圍的環境- 恬靜的湖水加埋綠油油的樹. 它不是坐落在山上, 所以唔會行得好辛苦. 雖然要比入場費, 不過都覺得好值得一遊.
之後就搭了第一次的巴士, 搭了都幾耐... 終於去番昨日去的shopping mall. 不過我們是行mall附近的市集同行街(有d似彌敦道但好似仲要長). 真是行唔完的, 好多絛呢d'dori', 看不到盡頭的. 京都比東京熱, 個人都已經比較易累, 所以都是時候諗o下食咩. 我們去番阪急樓上, 決定入一間食炸豬扒的. 我要了咖哩豬扒, 嘩! 我好鍾意日式咖哩的!!!! 好好味呀!
返到酒店, cctv台竟然做緊楊過同小龍女, 香港剛剛做完果輯. 看到最討厭果個角色- 郭芙, 仲要做到她砍了楊過隻手... 唉, 無眼看.

Wednesday, July 25, 2007

暴走之旅

今日晨早8點就起身, 真是... 真是眼訓到極點呀! 去車站搭新幹線, 見到車站賣的便當幾吸引, 就買了2盒. 車程要2個小時20分鐘, 已經是特快線啦, 車費都幾貴, 但都差不多坐滿... 我們坐三個位的座位, 真是有第三個人坐埋來喎! 睡完又睡都未到站, 就試食果兩盒便當(加埋成1700yen的). 我以為它們是可以整熱的, 例如好似以前我買過一種可以拉一拉盒下面的一絛銀色野, 行用石灰粉產生熱力啦. 可惜都是我想像得太完美, 我們怎樣都找不到果樣野. 我男朋友更勁質疑我所說的野. 啊!!天呀! 的確是有果種物品的... 誰可以相信我. 最後我們都是食了凍冰冰的便當.
又睡了一陣, 終於都到了! 京都! 我來了!
個車站都幾特別... 懷舊! 又成條食店街, d餐廳又是懷舊些... 卒之我們都抵不住d櫥窗的引誘! 入了去一間食, 我點了滑蛋豬扒飯, 他點了天婦羅蝦飯. 大家見到個menu話加150yen可以加個烏冬或拉麵, 我們就即刻話加. 最後碗飯都食唔哂, 而拉麵同烏冬就得兩著ja, 所以都可以食哂...
卒之等到去酒店的shuttle了, 我們住Westin Miyako Hotel... 沿途見到京都的景色真是好古樸, 同東京好唔同. 唔怪得我公司個來自京都的同事咁靚女, 真是人傑地靈. 去到酒店, 真是好鬼鍾意呀!! 好靚呀!! 個lobby已經極之吸引了, 個大堂經理係咁問需唔需要幫我們拿行李, 又倒了兩杯生果浸的水比我們飲, 其實攏了兩壺free drinks係度已經好好, 他仲特登倒比我們, 呢些就是service lor~
間酒店真是好大呀~~~~ 行極都未到我們間房...
終於出發去一些寺了, 京都最多的東西就是寺廟. 第一站當然是清水寺... 果然是名勝呀! 勁多旅客, 有香港, 韓國同台灣的代表... 當然仲有印度人同西人... 不過真是超級熱, 一路行要不停走入去d賣紀念品的鋪頭涼冷氣. 上到寺廟, 整個人都是濕透, 唔該唔好再叫我比300yen行入去個樹林, 然後望番過來欣賞果寺, 我已經想暈. 行回落去車路, 沿途買了少少紀念品同食了個好好味的泡冰.
之後我們搭的士(真是唔知可以搭咩, 唔似東京的metro咁方便)去第二個景點- Nijo castle, 一下車見到個門口閂了... 搞錯! 剛剛過了4點... 關門! 原來惡運從此開始... 我們唯有向下一站前進- 御苑(即皇宮). 行呀! 行呀! 行了15-20分鐘! 好熱!
去到見到個公園, 原來再行入去就是御苑, 但地下全部都是石頭仔/碎, 勁難行... 之前第一次去東京的皇宮都已經'見識'過了... 結果見到個皇宮門口(見到小小)就即走... 熱爆的天氣... 唉... 難怪京都人個個都踩單車, 因為d地方真是唔知點去, 巴士同metro都唔是咁方便. 而我就竟然跟男友暴走... 穿過大街小巷... 行了成半個鐘再有多... 我認為對腳已經完全唔係屬於自己了, 小腿同腳板都酸痛到... 極需要一副按摩器. 卒之都是唔知仲要行幾耐的問題下搭了的士, 頂! 5分鐘就到了, 早知早點上的士了... 行了咁耐坐得果一陣車...
去到高島屋(Takashimaya)都是提唔起對腳行, 唔好話有冇興建行. 結果去了對街的阪急, 見到7同8樓都有好多間食店幾吸引. 最後都是食shabu shabu放題... 但呢間價錢比六本木的'八山'平一半呀... 有好多東西都是放題之列, 是極之吸引呀! 不停食呀, 食呀!
好彩比我們發現到呢間店, 成為今日最值得一遊的地方! 回酒店了...
個頭同頸都痛到癲呀@_@

Tuesday, July 24, 2007

尋找到之前打的一篇(以為冇o在)

(上幾個月講果個dr. kxxg) 激死
這陣子跟友人說起一個好乞人憎的客人... 這客人的名字剛巧與一健康鞋品牌相同. 這人的可惡程度是10(10分滿分)!! 可以由上機令人討厭到落機! 所以我都禁不住要把他的惡行公諸於世!首先一上機在business class第一排, 他問了個同事拿份信報同亞洲週刊(好typical的request, 特別是businessman, 好麻煩的>_<). 同事拿比他時, 他剛剛去了洗間, 同事keep起先. 當他press call bell, 問我:"我頭先問你拿的信報同亞洲週刊呢?", 我心想這個人已經幾不禮貌, 口吻似怪責我是沒有拿他要的東西比他. 我又想"喂, 請你有禮貌些, 又不是我剛才負責的." 怎知本亞洲週刊比人拿了, 我唯有再幫他找過第二本, 同他解釋時他又問拿快週, 之後又問我有冇信報月刊. 我話信報月刊真是未必有, 我再confirm話比他知, 他就話:"為什麼CX有你們冇呀, CX收購了你們啦, 是你們阿媽來的, 為什麼她們有你們冇呀?", 我聽完真是想死呀...我真是忍不住衝上頭等同FA1(Chief)講關於這個人, 她已經有些idea再即刻check passenger list, confirm了原來他就是有名的"Dr. x", 話他真是好X麻煩的!! 叫我記得叫他address他就得, 我叫完他, 他即刻笑笑口. 救命lor...他要了兩張毯, 咁我咪幫他上頭等較細些個冷氣lor... 之後食餐又問我有冇xo醤, 我話頭等有桂林辣椒醤, 他竟然話他不食辣lor... 食完餐又問我有冇鮮果, 他明知是頭等先有的, 咁我又要上頭等拿比佢lor... 唉... 想死... 由上機煩到我落機~

番兜日

今日全日都是重溫我們呢兩日所去的地方, 包括食同買東西. 首先就是再去'平祿迥轉', 師傅已經認得我們; 一坐低就上兩碟燒蟹腳. 我們今次主攻拖羅同海膽, 食到笑!!!
再去kiddy land買些公仔; 再去laforet買幾件衫; 再去涉谷的uniqlo買衫; 去涉谷jojoen食飯... 又是一個字~累! 兩個字~好飽!
今次又行了loft同tokyo hands, 本來都冇plan到要行的, 都要死入去行....
全身的骨頭都發出酸痛警號! 對腳仲酸軟過行百萬行....
明日就出發去京都了, 希望是預期的多風景同有特色食物了. 不過要一早起身去搭車就... 好眼訓呀...

Monday, July 23, 2007

東京之旅~ 第三天

7月23日
昨晚睡得不太好, 搞到今日影的相都幾醜怪...
差不多2點出到銀座-今日的血拚目的地... 第一站先到松屋(Matsuya)的頂樓食好好味的吉列豬扒... 已經是第四次來了. 想起去年自己一個人行行o下, 要搵地方食飯之際, 見到它門口個menu, 就被吸引了... 自己果次食足兩日... 之後就再叫男友陪我去. 而亦因為咁我先知果兜cabbage原來是點麻醬同醋食的, 是超級好味的, 仲要是可以加完再加, 同白飯一樣.
食飽飽後之後就當然直衝到賣鞋的樓層, 嘩! 全部on sale呀! 次次來都買到好多又靚又抵的鞋, rebecca taylor更好相當好的選擇! 日本的鞋比香港的多好多款, 又靚又多色, 最重要是平過香港呀! 今次掃了四對ja~ 哈哈!
之後就當然去uniqlo了, 幾層樓真是有排行... 在日本買野真是感覺良好, 因為可以任試又無人比壓力你. 有買了一些背心, 不知為什麼他們的背心是相當吸引的. 我想大部分人都會有同感... 雖然衣櫃裡可能有好多完全無著過, 但是見到就忍不住買, 因為款式經常有新的, 如果不買就無啦! 同埋背心又唔會過時的, 又唔是食物, 唔會變壞的!! 哈哈! 買呀, 買呀...
之後又衝了去我的favourite store之一的Nice Claup了... 日本的衫真是好吸引人呀! 又可以是cute, 又可以是elegant... 最緊要是又有sale喎! 半價呀! 買呀, 買呀...
買了些靚衫, 夜晚回到酒店已經超級累... 對腳仲累過番工呀@_@ 不過著件靚衫出去食飯, 心情又振奮起來!
呢兩晚都是去六本木食飯(所以撞到阿蘇lor)... 由酒店行過去大概十分鐘. 今晚終於去了六本木的Jojoen食最美味的燒牛肉了!!! 又是遊日本必食的地點! 之前介紹過比同事Yanki後, 她都是著了迷, 又是她必食的. 除了牛肉, 他們的石頭鍋飯同豆腐海鮮湯又是好味到痺呀!!!!! ^_^
食完飯行回酒店, 又經過7仔, 又買了關東煮... 係咪好恐怖呢?! 哈哈!

Sunday, July 22, 2007

東京之旅~第一及二天

7月21日

下午搭CX500到東京... 看了之前都想看的Zodiac, 都幾好看, 但由於飲了些香檳同白酒的關係, 已有昏昏欲睡的感覺, 看得不夠仔細. 而累的原因, 當然是因為我之前一日, 放大假前都要做班東京turnaround, 又full又多special meal(兒童餐)(兩程都係我做哂), confirm d 特別餐都搞到頭暈呀, 仲要拍著個懶又超級senior的partner... 唉... 累死~ 今日終於輪到我坐機有人serve了, CX的service真是麻麻, 個purser自己都唔笑, 仲要cool到死, 咁其他女仔(junior)又怎會笑呀? 唔笑都唔緊要, 都唔係成個麵飽籃'隊'過來的(雖然我坐window seat), 4個小時後終於(又)到達NRT機場 ... 天黑了~

到酒店都已經9點幾, 都要落去7仔掃些貨, 唔少得的當然是美味的乳酪, 有好多fresh fruit的, 又抵食, 仲有ice cafe latte, 水, 同心癢癢想試好耐的合味道咖哩味杯麵(傻的嗎?!), 哈哈! 最搞笑是我同男友都愛上了他們賣的關東煮, 真是好好味的.

7月22日
今日起床後都成1點先出到大出血的目的地~表參道, 第一站當然是去'平祿壽司'啦, 真是又抵食又好味呀! d拖羅同海膽是我們的攻略之一, 仲有燒蟹腳, 赤貝, 燒鰻魚配玉子, 嘩! 正到爆, 成日都好多人掛隊的! 無論是西方人定日本人定香港人都好多ga...
之後去買了少少日本地道的紀念品, 就去另一重點推介Kiddy land. 幾層高賣各式各樣的精品, 我當然搶先找Bambi的東西了, 都買到件T-shirt, 筆, 鏡, 袋... 款式當然無Disneyland咁多, 不過都夠了. 另外幫個爸爸買了Thumper同Miss bunny的東西比他個可愛女女... 又掃了Rilakuma熊的精品比甥女同自己. 哈哈! 又買多兩把兔仔傘同d好靚的電話繩... 卒之又大出血.
原來好戲在後頭, 前一日班東京機有個同事回來, 都同我講而家仲做緊好多sale. 想不到呢個sale會是這樣震撼! 去到Laforet門口已見人頭湧湧, 一入到去簡直覺得這裡集合了全東京的少女. 真是好恐怖, 心想好彩這裡是日本, 否則一定出現偷東西, 打交, 搶衫, 人踩人等悲劇. 每一間店舖都做sale, 最少半價, 大部份是三折, 有些大排長龍入店的更是低至一折! 我當然冇本事排埋一份, 但亦絕不手軟, 揀呀揀呀, 買呀買呀, 出血呀! 嘩, 真是超級抵呀, 有好多都仲有顏色及款式揀, 又不怕有爛或有污點(香港的on sale貨會有). 而最唔能夠手軟的當然是男朋友啦, 因為他要幫我拿哂咁多袋衫.
我們的行程沒有因為這樣而刪減, 反而要加快, 因為要食晚飯了... 我們去了另一重點出擊的藥房. 一入去就買同事(一起做東京程機的同事)託買的飛滋膏, 個sales比我嚇窒了, 因為我話要買9盒! 無錯是9盒... 同事話她介紹別人用有好反應, 就託她再買, 咁我當然都自己買了一枝試啦. 其他唔少得要買的當然是Sofina, pN等等的護膚及化妝品...
終於回酒店放下東西, 小休片刻再出發了. 去了食shabu-shabu, 八山又是必食的. 一塊塊的雪花牛肉, 不繼的往嘴裡送... 嘩! 超級飽! 兩人共做掉了八碟! 未計之前有些料理...
食飽飽又再去買小食, 梅糖同蒟蒻是在必掃之列, 仲有是香港找不到的UCC浸泡的咖啡!!
最最最意外事件發生了!!!
就是竟然是一間100yen店撞到蘇絲黃(阿蘇)!! 我起初都看不見她, 是男友再次叫我望, 我先看見. 即刻不放過機會走去同她影相同傾o下東京好食的地方啦!! 嘩! 真是好開心呀!!!

Wednesday, July 18, 2007

十五年後...




12/7



同好同事kathy及小學同學去食飯, 飲野... 我喜歡同kathy去街呀~ 又順便介紹新朋友她認識, 希望她會'喜歡'啦! 哈哈...



13/7



終於又有第二次的小學同學gathering... 短短的一個月, 可以比我約到大家, 真是多謝哂你們的出席啦~ 我無端端又被叫做主席... 唔該哂~ 打電話係我, send message(勁貴電話費lor@_@)又係我, book食飯又係我, follow-up又係我... 不過只要大家開心, 我都無所謂的!!
去了北京道一號的'潮樓', 個view都ok, 不過d食物就唔好食... 但要星期五晚24小時以內book到12位的restaurant都算係咁啦... 大家都係志在gather jei~
今次有個小學同學真是15年無見... 之前都知道他在機場做CX的地勤, 但就從來都無撞過他. 不過我見到他都差點唔認他...
14/7
星期六終於dick起心肝番工, 一個好'梗'的pattern, 一程去上海過夜, 第二日上海回香港再去台北過夜, 第三日台北回香港, 再做多轉上海turnaround(即香港->上海->上海)... 呢個pattern平時好多人report sick的, 對我來說是需要好強的意志lor~ 好彩果人無short crew(唔夠人做)...
全部同事都好好的, 大家兩晚都一起去食飯! 我最喜歡這樣, 因為這就是做crew的一種好處ma.. 可以一大班人去食飯, 有allowance用, 見識o下. 但有時根本是太累或到達的時間已太夜, 大家就各自'修行"了. 咁個flight就好似會少咁d野咁... 冇咁開心啦...
在上海去了間service極唔得, 但又幾靚的'上海人家'飯店, 真是明白上海人是要罵的文化了... 之後回酒店後同3個同事在lobby lounge飲野... 大家又是不停傾, 有2個是新同事, 大家都傾到11點幾, 而我們是6:40am要report的lor...
15/7
在上海回到香港機場transit去台北時, 約好了2個小學同學見, 一個做ground果位及果個回加拿大的, 因'萬宜'的侵襲, 回加拿大果位就delay了因為他經東京transit的, 咁就做就了我們3個見面. 而我是最rush果個lor... 同事見到我有個ground同我行, 就笑我因咩事要'meet & assist'呢? 哈哈.. 我們好快咁影了2張相. 我覺得自己著制服個樣好唔得lor >_< 我們在台北桃園去了一間好耐冇去的日本料理食...超級好味呀! 我們順便同個在11月退休的chief farewell啦... 大家又飲sake, 好happy呀~
16/7
放工回到香港簡直想暈呀@_@ 好累...
17-18/7放假二天
打麻雀輸錢, 同家姐一起輸比阿哥阿嫂... 他們真是癲的... 我們是痴線家族! 鍾意打麻雀到傻...
昨晚4點幾先訓, 但我今朝8點幾醒了, 10點幾起身... 想死...
全日都周身骨痛...

Friday, July 13, 2007

哈利波特

昨日同外甥sally同kevin看harry potter... 由於好早就訂了戲飛, 所以位置都好好... 同他們去EXP食野, 他們都好開心. 而我這個做auntie的都是今年先開始自己帶他們出街玩.
想不到這套戲都做了5年, 已經是第5個故事... 戲內的演員都長大了不少, 不過都是咁好看.
而這5年看harry potter都同不同的人看... 感覺都幾特別~ 因為發生在自己身上的又是另一個故事...
之後同同事kathy及兩個小學同學食飯, 我發覺真是好鐘意同kathy一齊呀!!!! 哈哈! 大家都有傾有講, 雖然講的東西都有些無聊, 但又好搞笑呀... 個小學同學是一個church的basement同他女友propose, 我們覺得超爆笑. 我話他好似人地紅色清真寺挾持著人質咁...
今晚又約了小學同學食飯, 不過是一大班人... 有12個呀... 呢排約得咁密, 都是因為有個(要結婚果個)要回去加拿大了... 但男朋友就不斷問我做咩成約話約了小學同學lor! >_<

Wednesday, July 11, 2007

月經前綜合症

每個月都有呢個病, 特別是情緒會好低落...
個頭勁痛...
今日成日都好頭痛...
又可能今日早機, 4點幾起身...
好同事已經請我食了粒藥... 而藥力終於是同呢位好同事食完tea, 回到屋企之後始發作!! 哈哈!
都好多謝她呀~ '跳跳虎'同事! 哈哈! 唔好嬲啦!!
今日好開心同你飛呀!!

Tuesday, July 10, 2007

失落

那無助失落的感覺又回來了...
只知好唔開心...
好唔開心...
覺得好孤獨...
只是想放聲哭...

Thursday, July 05, 2007

報應

剛剛講完call out做班上海機好正, 做頭等又冇delay...
昨日就中招了...
一早已經好唔舒服, 都頂住番工... 較了alarm起身, 竟然比我關了, 平時是絕對不會發生的. 好彩我之後都醒了, 但是9點了, 我的report時間是10點35分. 即刻起身, 化妝, call的士...
回到公司話隻飛機delay, 唉... 實遲放工啦...
個chief問邊個少做FA8喎, 咁我是最junior的, 我當然話我啦, 咁你咁問, 我梗是咁答啦. >_< 兩程都full的...唉...
5個女仔(FA)有4個做少過3個月... 不過好彩她們個個都做得好好. 所以我特別稱讚她們, 她們知我唔舒服, 就成日問我怎樣... 要唔要tissue, 因為我成日索鼻水... 哈哈! 不過做呢兩程機真是超級辛苦. 北京要做drink service先再去meal service... 好似做極都做唔完...
上客我時候, 我要站在機口greet客, 經濟艙都over200個客了, 我完全是頭暈到呢... 仲要2程都有20個特別餐(雖然我試過有成60個特別餐order), 我要同客confirm... check回他們是不是訂了, 是不是坐在果個位...
回來果程是最辛苦, 因為d客不停問d女仔拿毯, 而我們的毯已經派哂... 又較暖了... 都仲有人問拿毯. 有個著背心的香港女人問我拿毯, 我拿了business class的比她, 她就比說話我聽. 話頭先問個女仔拿, 她話冇, 咁她話點解現在又有... 唉... 頂, 有又煩冇又煩, 點呀?!! 我就同她解釋... 我們經濟艙的毯真是冇了. 而business class的我都是等有多的才比到她. 之前business class未派毯, 所以個女仔比唔到她lor...
最不忿的是有個阿媽拿了張comment card話我們, 個女仔擔心她真是寫, 我就去同個女人傾, 她話大人就可以頂得住, 細路仔頂唔住... 真是比她激死我... 卒之再拿埋頭等的毯比她... 機上的毯全部比我們用完了...
我話我們可以比到你的, 一定比你, 況且我們已經較暖了個溫度啦. 係咪真是咁凍呀? 搭飛機都梗係要自己準備多件外套ga... 坐短途機ja, 又唔是overnight的flight, 又唔是business同first class... 冇一人一張毯的... 我們派毯都好辛苦的. 唔好成日抱住人有我有的心態啦... 有些人真是拿了張毯又唔用的...

20年的情

唔記得講在6月30日的gathering, 約了十幾個小學同學出來... 之後去唱k仲有多幾個join我們. 好開心, 因為有些真是十幾年冇見... 而我就一手做成了呢件事. 真是好有滿足感... 雖然大家叫我會長, 真是好唔好意思, 但又好多謝你們appreciate我做的o野. 我仲create了個blog比大家update同contact, 希望大家可以keep了呢20年情啦!

Tuesday, July 03, 2007

好辛苦~~

捱唔住了... 終於都病了...
週身骨痛, 頭痛, 頸同腰是劇痛...
飲極水都覺得口渴... 鼻塞...
訓極都唔夠...
今日0630被call, 做轉上海turn, 好彩做頭等又得1-2個客....
好辛苦呀...
看了醫生... 但都是要番工...
唉...
後日放一日了... 但明日程北京turn, 兩程都full...
唉...

Monday, July 02, 2007

病...




通常都是這樣的... 不是真是好病的時候請了病假, 結果真是病假期間病了...


今朝一早阿哥打了話過來同阿婆飲茶, 其實是我昨晚打去問他們先... 但阿爸一早8點就出了去'開工'(打牌). 叫阿哥約阿婆, 又約到喎, 舅母回中午班可以一起飲... 我諗住睡多一陣, 阿婆就打來了... 唉... 梗是在酒樓等啦... 為什麼仲要問? 又諗住再睡, John又打來問為什麼standby冇call... 唉... 個頭即刻暈暈地@_@


去酒樓途中都差點仆倒... 好彩我最遲出門口都是最早到, 又好彩有相熟知客幫手. 在他們到酒樓前已拿到檯.


下午睡了覺, 嘩, 完全是昏迷! 但又發惡夢... 一醒就全身骨痛, 頭又痛... 喉嚨又唔舒服. 死啦... 明日又是0600開始standby呀~~~ 好唔舒服呀!


呢排成日都問人我電了頭髮好唔好看... 基本上都大獲好評, 可惜同事kathy話鬈髮影得我塊面肥d... >_< 真的嗎?

史力加3+gathering+煙花






呢排都真是成日請假, 25日放了一日26同27日都請了假, 點知28日果日班上海大delay就比個天玩死... 兩程總共delay了4個鐘, 已經比預期好好多了... 我試過一程機delay了4個鐘, 未計果次'派比安'事件.... 其實經歷過果次, 就覺得好多delay都唔係問題了.
29同30日放假都有活動, 同同事kathy去了Intercontinental high tea, 同Ivy食飯, 仲影了些好得意的熊貓相... 再去了Aqua飲野... 第二日同甥女甥仔看史力加3, 好開心... 不嬲都好喜歡呢套戲. 又同小學同學gathering, 有些真是十幾年冇見ga!!! 好成功呀! 我們之後去了唱k, 其實冇咩唱, 只是掛住玩... 搞到隻手指都瘀了.
卒之1同2日又請假... 真是覺得自己都有些過份... 可能是真是唔想做了>_< 最近看到convoy請Personal assistant好想apply, 但發現都是要有些secretarial knowledge... 但我就真是差點兒連excel都唔記得點用呀... 唉... 好想做PR又話要寫中文犒... 真是覺得自己好唔掂呀! 就是入錯了公司搞到而家什麼都唔識!!



昨晚去了看煙花, 今次比新年果次看得清楚, 但就無咁多驚喜...