北京overnight

23號做完東京之後公司終於都改了我第二日去北京過夜, 不用再做果班東京了... 唉! 公司根本就應該一早咁做啦, 我已經超級OT了. 雖然我都想賺多些, 但我不想咁早死呀x_x 哈哈~
北京overnight真是golden flight呀, 雖然見到個好唔想見到的人, 不過我份人公私分明的! 所以都做得好開心, 最開心是一早回到香港.
記得land北京機場時, 我聞到d怪味, 應該是嘔吐味, 心諗應該是剛剛turbulence太犀利了, 就行去cabin望o下啦, 點知真是好勁! 個阿爸抱住個仔, 個仔嘔到個阿爸成身都是, 後面個阿媽都作嘔, 咁我即刻打去搵support了, 因為我不近galley, 最搞笑是個個客都掩鼻, 但就完全無人press call bell喎, 如果我唔行去看, 點搞呀? d味真是散發成個cabin lor, 臭到呢... 好彩有支消毒spray係附近, 就狂噴了... 好彩都work... 我問個爸爸有冇衫換, 他話check in 哂呀, 咁我就提議他可以用飛機的blanket披上啦, 他都話不用喎, 他有件西裝褸著就得喎, 真是好客氣呀. 我同他講他真是好偉大呀! 我完全感受到他的父愛呀! 因為個仔是有自己的位, 他大可由個仔嘔在地上, 不用抱住他的... 仲要聲都唔聲喎, 成身都臭喎@_@
第二日又是去北京過一晚夜, 真是好開心lor! 雖然是golden flight, 都不用咁多呀同咁密的. 最搞笑是見番之前一晚去北京果程機的一個family, 個三個小公主真是好得意呀! 個family都認得我, 個媽咪係咁同我呻話應該生個仔, 應該會乖d喎! 哈哈!

晴天霹靂日

三月二十一日
早機北京放工打回公司, 竟然~ ! 改我之後三個standby, 23日同25日都做東京來回呀! 係咪痴了呀? 我真是破口大罵呀! 有咩可能三日做兩班日本機呀? 仲要兩程都要做的, 仲要兩程都full的! 仲要我已經做了一班啦! 一個月做三班東京??!!! 超級想死呀!!!! >_<
即是迫我請病假jei?!　定想做死我呀?　

三月二十日

今日去買衫, 好耐未試過自己行街買衫, 因為通常我都拿不定主意買咩好... 現在進步了! 最開心是ivy話比我知, A/T有同bambi crossover的t-shirt賣, 我即刻去order! 嘩! 要order呀, 好難得竟然比我買到! 不過都幾貴, 原來是成千蚊一件, 不是兩件... =p 但它們是限量的, 咁都抵的! @_@

3月19日

終於放假了, 打了十二圈麻雀, 真是好運到傻呀! 食了舖十三么, 又自摸十番仲要家姐一個比晒錢喎! 哈哈! 贏了成千蚊呀! ^_^ 最開心都是打麻雀! 最開心是大家陪我打麻雀! 多謝大家!

三月十八日

做了程東京來回機, 兩程都好full... 仲要是做經濟艙真是想死>_< 遲了起身要搪的士... 一早起身八點回到公司, 夜晚八點幾先回到屋企... 對腳真是斷了咁... 真是斷背呀! 腰骨都斷埋呀! 做二百幾個客, 兩程即是差不多五百幾個客. 嘩! 要去pre-meal drinks, d客又多requests, 又有客嘔, 搞到要調位, 個客(不是嘔果個喎)仲死都話要坐business位... 又有客冇訂special meal但又要special meal, 有special meal比佢, 又話唔食, 話要食生果... 隻機又痴了線咁凍, 個個客都要blanket同pillow, 行了幾百次來回. 去咖啡,西茶同日本綠茶, d日本人又話要香片同烏龍茶! 嘩! 真是人都癲啦! 有個客又痴痴地, 係咁press call bell要呢樣要果樣, @_@ 我真是想打他呀! 為什麼我個個月都要做日本機呀? 我又唔係日本人, 又唔識講日文!

三月十六日

在北京過夜後早機回香港, 一上機就肚痛... 唉... 之前在杭州食完辛辣的東西就是這樣! 我想應該是之前一晚食果d辛辣的東西, 本來回到酒店已經好累, 不過難得成班人一起出街食... 唯有出去了. 上的士去同事介紹間飯店, 司機話唔知點去, 搵到又竟然執了(關門了)唉! 於是就去俏江南, 不過不是去新天地果間, 去了酒店附近果間. 叫了好多東西食, 好多都是辛辣的... 同事都話食完個肚唔舒服. 仲要食了成$700幾蚊喎, 都幾貴又唔係真是咁好食.
以後都是唔好食咁辛辣的東西了! 見過鬼都怕黑~~ >_<

救命呀~

現在是零晨三點了!! 但我仲未訓得著呀!!!! 為什麼呀? 放完兩日假就好容易會發生呢d事... 最主要是今日四朵金花食飯, 果間餐廳是用超超大大的杯serve咖啡的!! 唉... 沒想到自己會真是睡不著ma...
eeeeeeee... >_<
眼光光... @_@
明日要做早機呀! 救命呀~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日買了一隻水晶unicorn...

"the Unicorn has always been more than simply an animal with one horn. It is a symbol. A symbol of what? Well, pretty much every positive virtue really. Harmony, strength, purity, innocence, speed, freedom, beauty, grace, magic, wisdom."

"Just as his appearance may vary, so does his role in the world: sometimes he is simply a beautiful animal. At other times he has an intelligence at least on a par with our own, and is famed for his gentle wisdom. Often he is a creature of divinity, pure of heart and spirit beyond any mortal's reach, possessed of incredible powers of creation and healing. In China he is a creature of good omen, appearing to those destined for greatness: the mother of the philosopher Confucius was one such. In ancient Japan he appeared as a celestial judge, slaying the guilty and freeing the innocent. The Christian faith holds him as a symbol of Jesus Christ."

"沒有我你悶不悶"

張小嫻散文:

"沒有我你悶不悶"

如果沒有我, 以後再沒有人問你: "你去了那裡?", 也許你會覺得悶.
再沒有人嘮叨你, 你會不習慣的.
再沒有人向你發脾氣, 你會覺得生活太平淡.
再沒有人向你撤嬌, 你可能會覺得欠缺了一些什麼.
再沒有人在你面前哭, 你會覺得自己不重要.
再沒有人罵你亂花錢, 你會覺得偷偷花錢去買東西時不夠刺激.
再沒有人跳到你身上說: "吻我!", 你會失去活力.
再沒有人問你: "你會不會跟我去結婚?", 你會覺得生活太正常.
再沒有人跟你爭浴室, 你會不夠痛快.
再沒有人要你記著她的生日, 你會覺得浪費了你良好的記憶力.
再沒有人吩咐你: "下班後來公司接我'", 以後每天下班, 你會不知道可以去哪裡.
再沒有人要你聽她說心事, 你會有點失落.
再沒有人在家裡等你, 你會覺得家像酒店.
沒有我你悶不悶? 一定會悶壞你. 所以, 你要對我好一點.

為什麼?

十萬個為什麼!!! >_<
難道我真的錯了嗎?

達卡

我真是開始相信自己是在走霉運~~ standby call out就成日都有我份?!! 連達卡都會call 到去的! 做了咁耐都未試過呀! >_< 個個同事都覺得我好可憐啦! 不過做business都好好多. 唔知係因為她們同情我定還是那麼巧合, 其他四個同事都係男同事, 真是好難得! 所以變了economy的同事除了個阿姐, 都是男人!
而呢d機又的確需要男同事的, 達卡的機經常發生事的, 因為d客成日飲好多酒... 個cabin已經是超級臭了, 仲要加上d嘔吐味就真是想死... 記得以前做經濟位時真是覺得好辛苦, 一來是通宵達旦無得訓, 個cabin又臭, d客又不斷request呢樣request果樣... 他們好多都是frequent traveller來的! 哈哈! 好似今日回程時差不多要land的時候, 竟然無端端有人係度發癲, 我都已經唔會驚, 因為我知道唯一要做的就係叫他坐, 我想大家都知道最緊要是要飛機安全降落... 好彩最後都無事發生.
好彩兩程都唔full, 真是唔可以想像full的時候, 被call out的我真是會殺人呀! transit的時候又是激氣的, 因為他們成日都分得好清楚誰負責什麼, 你叫他做一樣野, 他就會指第二個人, 話唔係他負責, 唉! 人都癲! 仲要成日問你拿野, 大哥! 有什麼都已經比哂客啦! 都係你們的friend啦! 唉!
呢d機都會有人request飛的. 因為夜晚9點幾先琅回到公司, 第二日放朝早7點半, 咁兩日有全日有好多時間用... 同事各自都會帶些食物上機食的, 我是call的都有拿d玫瑰茶包, 話梅等請大家食, 我個同事有雞翼同香腸請我們食! 正!
不過下次真是唔好搞我啦! 我不想再call out呀!!!!

晚飯

自從到社會工作開始, 便非常珍惜質家人一起的日子, 特別是晚飯及過時過節的日子, 更希望與家人一起渡過. 自從媽媽去世後, 覺得能夠一家人相聚確實十分難得. 特別是家姐及阿哥都已各自成家了, 只剩爸爸與我在家, 而我的工作時間又不定時, 能否在家食晚飯未必由我. 我的家都幾著重晚飯, 晚飯時一定要有魚, 菜, 肉, 湯... 所以我們各人都十分健康! 爸爸的廚藝真是非凡!
記得小時候的我, 常獨自吃晚飯, 因為爸爸在大陸工作, 不常在家, 而媽媽又經常要超時工作, 姐姐已嫁為人婦有自己的家庭, 哥哥又要放學後替人補習, 而我就要替家人預備晚飯, 自己煮自己食... 所以都試過偷偷帶當時男朋友到家食飯. 真是十分不喜歡獨自食飯的感覺, 太孤獨了. 所以年紀更小的時候, 常常到外婆家玩, 到用過晚飯才願意回家, 因為有表哥表姐一起, 不覺得寂寞. 那時候是真的不想回家, 想永遠的留在那裡, 多麼傻啊! 因為我是最小的, 所以常覺得不受重視...
到現在開始工作, 大家都覺得我真是成長了, 大個女了... 我會經常gather一家人在一起, 家姐又會想與我通電, 相約打麻雀... 大家更珍惜一家人一起的時間!
今日同舅父食晚飯慶祝他即將生日, 大家都飲紅酒, 好開心, 覺得大家的心很貼近! 希望大家可以感受到大家的愛, 祝 舅父身體健康! 永遠都年輕!

大開眼戒

My favourite song...

大開眼戒
作曲：阿飛
填詞：黃偉文
編曲：陳永良
主唱: 陳奕迅

不要著燈　能否先跟我　摸黑　吻一吻
如果我　露出了真身　可會被抱緊
驚破壞氣氛　誰都不知我　心底有多暗
如本性　是這麼低等　怎跟你相襯
情人如若很好奇　要有被我嚇怕我準備　
試問誰可　潔白無比
如何承受這好奇　答案大概似剃刀鋒利
願赤裸相對時　能夠不傷你
當你未放心　或者先不要走得那麼近
如果我　露出斑點滿身　可馬上轉身
早這樣降生　如基因可以　分解再裝嵌
重組我　什麼都不要緊　假使你興奮
如何承受這好奇　答案大概似剃刀鋒利
但你知一個人　誰沒有隱秘
幾雙手　幾雙腳　方會令你喜歡我 順利無阻　
你愛我　別管我 幾雙耳朵　共我放心探戈
如何承受這好奇　你有沒有愛我的準備
若你喜歡怪人　其實我很美

偉大的祖國

由二月尾開始到現在, 本人已到北京過夜3晚, 到上海過夜, 到杭州過夜... 很久沒有在家食飯, 睡覺了... 很掛念家! 特別是爸爸煮的菜以及他煲的靚湯呢! 上班前他一定會預先準備一整壺的湯給我上機飲的. 而我經常都會同同事分享的, 所以大家都知道我有個麥兜曖壺的. 工作時經常不夠時間食飯, 有湯飲就好方便了!

同事都公認到北京過夜是十分好的差事, 一來allowance又比較多, 二來酒店又近機場, 只須大慨半個小時, 房又好舒服, 食飯又方便! 上星期還到了天安門, 是第一次到那裡... 搭的士去那個東方廣場的商場, 覺得自己好像是第一次到北京, 因為以為都不會去街, 只會搭的士去食晚飯... 雖然很久以前住長城飯店時, 有去過' 栢麗'同'女人街'買野, 但只去過2次... 今次這個東方廣場真是不得了, 超大, 又多舖, 好像在香港行街的感覺. 搭的士時, 同司機叔叔談話, 他仲笑我, 話我什麼地方都未去過, 就不要說有來過北京! 哈哈! 北京人真是好像nice些同簡單些... 後來仲去了食'俏江南', 好正! 終於都買了超貴又唔抵的奧運紀念品... 唉, 都覺得自己好笨, 不過還是買了...

個人已經凍到想死了, 搭的士去到天安門, 又真是覺得幾特別, 不過真是好好好凍呀! >_< 第二日一早起身report, 嘩! 竟然下雪了! 整個冬天到北京都沒有看見雪, 今次終於見到, 不過要suffer的, 因為實delay啦! 飛機要除雪呀!>_<　遲了一個多小時! 唉! 已經是超級累啦(5點幾起床呀), 在飛機等起飛又凍... 好辛苦, 不過可以一程回來放工(又唔full), 不用carry on再飛, 都算好好!!

而上海就真是每況愈下, 前日入到房已覺得沒有暖氣, 但洗澡後又覺得可以, 認為可能需要一些時間才會暖起來, 怎知道晚飯回來後發覺, 仍舊是寒冷的, 但我知道夜晚會好難換房了, 唯有再泡個熱水澡, 之後立即衝入被窩... 起床時真是凍到不得了. 到機場的車程又遠, 繁忙時間需要個多小時的, 雖然是十分方便逛街及食飯, 但真是好差... 雖然它本身是一間不錯的酒店. 同事同我自己都投訴過的, 其實遲些可能會住回浦東的, 現在有些機已經係要住回浦東那邊了, 因為酒店不夠房... 好有不好啦! anyway...

最驚喜是前晚到杭州，我們住Sofitel西湖酒店, 十個正呀! 酒店超級舒服又grand, 好多商場食店，房又好靚，床又大又舒服! 不過可惜只會住那裡一個月(公司怎會咁捨得呀>_<)，因為以前住的Holiday Inn裝修, 不過聽說都不會搬回去, 不知道會住那間呢... 那晚同同事去食火鍋! 好辣呀! 不過又真是好好味喎! 我們三個人叫了好多碟食物, 都只是二百幾元! 個肚差不多飽到爆!!　

其實這個flight pattern是超辛苦的, 一號去上海過夜, 二號上海回來再去杭州過夜, 三號杭州回來再去廈門再回香港的(廈門turnaround, 一程得55分鐘時間). 1-2-3 pattern就是這樣，好彩同二個同事friend, 否則不知能否捱得住! 最慘是我做business class, 是程程都full的, 仲要serve熱餐的, 即是6程機得我一個人同個阿姐做!! 我做完前面(business)仲要落後面(economy)幫手的! 因為後面都幾full, 最重要是二個同事都是新人! 做到超級趕呀! 放工時真是累到死! 可以話是做到甩轆(腳軟)啦 >_<