Wednesday, February 22, 2006

旭川






買了好多好多零食, 有2個雪好的芝士蛋糕, 4盒朱古力, 3盒糖(係小鹿斑比呀!!), 2盒芝士蛋糕, 2盒包著士多啤梨的朱古力, 3包米通, 一盒4包的chips, 6罐白之戀人的朱古力飲料, 一pack超大的雪場蟹腳, 嘩... 實在太開心了... 去到機場見到只係5,6間舖, 但已足夠滿足我們的購物慾了!
見到外面全被雪覆蓋著, 不禁嘩然! 大家都十分興奮, 可能回程不用工作的關係, 心情特別開懷! 今次我醒目了, 有帶相機, 影了d合照, 好難忘! 仲有雪人做背景呀!

Monday, February 20, 2006

瘋狂北海道之旅

話說看完陳奕迅演唱會之後, 第二朝要做班日本北海道的旅行社包機, 全機滿座... 仲要係朝早八點幾回到公司, 做到夜晚十點幾放工. 來回都客滿, 仲要係做54的商務位(即頭等艙同商務艙combine), 不停來回咁行, 真是行去北海道呀! 果個地方叫釧路, 唔知大家有冇聽過? 係接到更表前我真是未聽過呀! 轉機時出了去機場掃貨, 真是咩都買, 當然全部零食啦... 個機場太細,所以落客都要分三次落... 同d客傾計... 我好奇怪為何假期後仍有咁多人去旅行, 原本佢地話好多旅行社都推薦呢個團,又平又係北海道!五千多元就可以玩五日喎!唔怪得咁滿!>_<

佢地係釧路入旭川走的,我明日就係做旭川了!真是好開心同感動呀!因為我又會見番同一班客呀!我五日做兩程做兩班日本包機,真是勁過中六合彩頭獎啦!記得果日做釧口路放工後,差不多行唔到路,隻腳好似斷了咁.轉機時,去機場買了好多零食,好開心.好似去旅行咁,所以明日又會買呀!平衡番個心理呀!好彩明日回程係坐機回,因為係朝早八點前番工,咁工作時間唔可以超過十二個鐘,但由於果日做釧路係朝早八點二十五分報導,所以就兩程都要做,到夜晚十點三先放工,真是人都癲呀!!

Friday, February 17, 2006

陳奕迅演唱會

今晚看完eason演唱會... 真是好鍾意佢! 佢好專業呀! 連續唱成2個鐘喎! 好正! 個舞台又好得意, dancers的衫又好得意! 好好看呀! 首首歌都好好聽, 快歌佢又跳舞, 好勁呀! 唱慢歌又好投入喎, 搞到我聽呢首歌時, 竟然哭了...

活著多好 陳奕迅

曲:胡波 詞:黃偉文 編曲:胡波/孫偉明

當我還在 花園散步
當我還在 浴室洗澡
十步以內 可擁抱
遇著什麼 煩惱 想跟我說 都可聽到 
翻到有趣 圖畫 
何妨大笑 讓妙事亦被我看到
遊玩時 開心一點 不必掛念我 
來好好給我活著 就似最初 '
仍然在呼吸都應該 要慶賀 
如果想哭 可試試對嘉賓滿座...... 
說個笑話 紀念我 到處還是 香水氣味到處還是 
塗鴉筆記就像我未 拋低你

Wednesday, February 15, 2006

工作中渡過的情人節

昨日做完上海即日來回, 要再到高雄過夜, 一個我又愛又恨的地方!
本來只是一個鐘多些的轉機時間, 無端端要delay, 係機場度二個小時... 同同事行gucci看袋, 又看到個袋幾好, 不過竟然要成萬蚊, 真是覺得不值! 仲要佢d袋成日都揹得好辛苦的, 成兩個佢的招牌鐵圈係揹帶度, 好鬼重... 好似佢以前果d竹柄都係咁難揹... 用果d袋真是好傻的! 仲要唔知點解佢d袋好似貴了.
之後同二個阿姐去食炸雞, 好好味... 我們話係情人節大餐! 去到高雄真是十萬個想去'掃街'的, 台灣的夜市實在太多好野食, 好吸引! 不過我們零晨才到酒店check-in, 又冇人去... 就決定唔去... 好好味的花枝丸, 燒雞排, 炒米粉, 紅龍果汁, 蓮霧等等就冇得食了!
入到房就有些驚, 我知道係心理作用, 但都是唔敢訓, 看HBO同Star movies, 有Cold Mountain, 雖然之前已經看過, 但都好想看... 之後又看雜誌, 其實已經好累, 仍然唔想訓因為怕! 後來熄了二盞燈訓, 不過唔係完全入睡.
11點多起身, 去食好好味的小籠飽, 仲買了十隻回香港蒸, 飲了蜂蜜綠茶, 又買了化妝品, RMK的睫毛膏竟然會賣到無貨呀! 又買了米粉同好多豆漿... 好重呀! 之後趕著回酒店換衫準備去機場, 回來香港係坐機唔需要做就放工, 所以係冇人工, 因為不當是番工, 但又要換制服同化妝, 真是浪費時間呀! 同事竟然送了各人一盒蕃薯呀! 真是好好味呀! 好甜ga! 間野係台灣好厲害喎, 好多人買, 有一盒咁送外賣的! 阿姐又話係比我們的情人節禮物! 真搞笑!

Monday, February 13, 2006

咸竹蜂

今日一起身真是好似啞了, 完全無了聲, 一講野真是嚇死人... 今日仲要出街搭車, 仲要係搭小巴, 即是要嗌落車... 唉... 好恐怖呀! 上車時硬了頭皮問司機野, 點知個死人頭無反應, 仲要係我問了兩次呀! 佢先話點呀?! 真是激死我! 如果我唔係有事, 我實即時落車等巴士都唔會搭佢呀! 問了他個地方, 竟然去到佢都唔叫我落車, 我把死人聲咁樣, 我真是唔想嗌有落啦!!! 不過始終都叫了出口!
回家時竟然又會上了他的車喎, 真是想死!!!! 唉! 如果唔係趕住番屋企,真是唔搭呀!>_<
今日又打麻雀,又食十三么,不過又輸錢!
阿婆知道我失聲就執了d好野比我沖飲... 因為我都真是試過好多次咁樣了... 就係飲咸竹蜂了.係一隻隻黑色的竹蜂呀!係水度浮浮下... 好恐怖呀!但真是好有效喎!d痰即刻無哂!哈哈!仲有d沙聲,唔知番唔番到工.唉!

Saturday, February 11, 2006

生病了

前幾已經開始感到喉嚨痛, 好唔舒服... 知道應該是感冒了... 昨日到同事kate屋企打麻雀,佢間屋因為是在頂樓, 所以特別凍! 就更唔舒服, 又食了唔應該食的熱氣野,就更加唔掂啦!
講開昨日的戰況真是幾緊張, 因為我槓東時竟然發生人間悲劇,竟係prima細妹竟然搶我槓,仲要係食十三么喎! 呢個先想死呀! >_< 好彩我之前食了舖自摸清一式對對糊ja!! 如果唔係真是損失慘重, 但真是唔可以想像d咁的悲劇會發生係我身上... 而後來好彩我都有自摸十三么, 嘩! 真是有吐氣揚眉的感覺呀! 係kate屋企搭小巴都好方便,尾班車係開零晨3點,所以同佢地去了食糖水,不過見唔到梁思浩喎...
今朝訓醒覺, 完全開唔到聲講野呀, 好辛苦咁爬萵街看醫生... 現在好了點...
全日在家中發霉!!

生病了

前幾已經開始感到喉嚨痛, 好唔舒服... 知道應該是感冒了... 昨日到同事kate屋企打麻雀,佢間屋因為是在頂樓, 所以特別凍! 就更唔舒服, 又食了唔應該食的熱氣野,就更加唔掂啦!
講開昨日的戰況真是幾緊張, 因為我槓東時竟然發生人間悲劇,竟係prima細妹竟然搶我槓,仲要係食十三么喎! 呢個先想死呀! >_< 好彩我之前食了舖自摸清一式對對糊ja!! 如果唔係真是損失慘重, 但真是唔可以想像d咁的悲劇會發生係我身上... 而後來好彩我都有自摸十三么, 嘩! 真是有吐氣揚眉的感覺呀! 係kate屋企搭小巴都好方便,尾班車係開零晨3點,所以同佢地去了食糖水,不過見唔到梁思浩喎...
今朝訓醒覺, 完全開唔到聲講野呀, 好辛苦咁爬萵街看醫生... 現在好了點...
全日在家中發霉!!

Thursday, February 09, 2006

好大壓力

人生怎麼樣才是滿足呢? 什麼樣的愛情才是對呢? 要先能滿足別人還是要先滿足自己?

Wednesday, February 08, 2006

打麻雀, 輸錢, 繼續打!

開始放大假了, 正! 同屋企人一起打麻雀真開心! 我們家真是可以日打夜打麻雀都可以的, 哈哈! 明明之前一日打通宵, 第二日又可以再打... 真開心! 最開心都係我阿哥啦, 成日有我比錢佢!! 唉! 好彩第二日執番二百, 但之前輸一千喎! 哈哈!
跟住又話要報仇! 家姐又好搞笑, 有時輸最多, 有時又贏好多的... 一輸又話要報仇! 其實係多一個機會打麻雀jei... 我們就係用麻雀來gathering的了! 記得看'超級女人購物狂' 有一場講羅家英同冬叔打麻雀, 真是笑死我!
由新年到現在食了超級多野, 真是時候要清一清腸胃了... 唔可以又比人話我肥了的! >_<
John要出trip到26日才回香港, 唔... 又要好lonely了... 希望他快些回來啦... 要搵番朋友聚一聚了! 不過好快又要開工了, 又要把握機會打麻雀! 嘩! 朋友都比我激親, 成日都打麻雀, 不過都係同屋企人打jimma...

Friday, February 03, 2006

番工,放工... 再番工

自從放了工作以來第一個年初一的假後, 便要付出代價... 就係由年初二番工番到初六... 之後就放大假了! 上一次放大假已經是十月的事了, 真是要休息一會! 否則應該會痴了線! 會留在香港同家人玩, 一定要大打特打麻雀! 仲有係食多些好野, 番工真是冇野食呀!
明日就係年初六了, 即是做埋明日程上海turnaround就放假了! 哈哈!