Wednesday, November 30, 2005

病了

呢幾日都好唔舒服,卒之公司都cut我鐘,昨日唔駛我做北京機,因為我真是飛了好多個鐘了... 昨日休息了一日好好多了... 於是相約家姐再竹戰啦, 點知真是後悔莫及... 慘敗... 無心機! 上次又係咁... 唉... 我都係冇橫財命的了... 決定了今個月都唔會再打了! 哈哈! 今日係30日了... 哈哈~!

希望可以快些好番啦... 好累呀! 明日就開始我12月辛苦的'旅程'了... 唉... 希望可以唔駛又請病假啦. 不過最好係d standby 唔call啦! 一程回香港唔好再要carry on再飛啦... 呢d都係我單純的願望! 希望快些出雙糧啦... 太多的希望會否換來失望? >_<

WISH ME LUCK, please!

Thursday, November 24, 2005

三天假

做完班東京機後有三日假... 每日睡至差不多11點... 但不知為什麼仍然是很累, 可能個枕頭唔夠support啦! 明日要番工, 而家又覺得唔係咁舒服, 成身骨痛,又頭痛同暈... 唉... 可能昨晚去石澳食泰國野時吹親了...

看了'殺,破,狼', 都幾好看... 好過'黑社會'tim! 想不到呢三個字, 原來係講三粒命格的星, 分別係七殺, 破軍同貪狼, 而我看過紫微斗數, 我都係有破軍同貪狼呢兩粒星的... 唔係咁好的...

前晚收到下個月個更表真是極度唔開心, 因為竟然有好多overnight pattern, 真是好唔得呀, 仲要係1-2-3 pattern, 又多早機同番5日放一日番多5日先放兩日... 想死... 真是唔可以相信係自己的更. 無故係1月1-3日去台北過夜喎, 31日又standby喎, 唔好call我呀... 總之好傷心呀!

Sunday, November 20, 2005

又早起...

呢兩日返早機, 不過都唔係6點幾report果d了... 今日鬧鐘竟然冇響喎... 我7點幾要起身ga... 好自彩己醒了! 如果唔係就大大鑊了! 今日做兩程上海都full呀,好辛苦! 做得好趕呀! 不過又唔會有好大壓力,因為這就是港龍!
最唔開心係明日要做東京turnaround呀,想死... 仲要都幾full... 唉... 好唔開心... 為什麼個個月都有?! 又唔可以請病假,因為我今個月已經兩日了. 最重要係今個月有OT, 所以唔捨得呀!
>_<
好眼訓呀... 要訓了...
天氣真是凍了好多, 大家保重啊!

好嬲呀! (19/11)

今日本來係北京過夜, 昨日放工比公司改了做standby,由今朝10點開始啦, 咁9點幾起身諗住準備佢call啦... 點知等到12點幾1點都冇call,而我check了今日的上海,北京都唔係好full喎,而我又已經好多個鐘lor喎... 應該好大機會真是唔call啦. 於是我就去了太古城了... 正當我好悠閒係pacific coffee嘆緊咖啡的時候,竟然公司打來,大家要知道當時已經是下午3點15分啦!!!!!! 有冇搞清楚呀? 做班廈門turnaround? 又係廈門tunaround? 仲要幾點呀? 其他standby呢? 痴線ga!!
真是勁嬲呀! 即刻趕番屋企換衫呀!!! >_<
不過原來仲有另外個SP都係call out的, 仲有兩個隊長都係... 咁先覺得公司唔係玩我lor... 不過我都係好唔開心呀! 因為冇得看台慶啦, 又冇得看排球! 唉! 仲要車錢都蝕埋呀! 點解我今個月的standby全中呀? 又唔見六合彩我中?

前兩日放假看了'Proof','情來算盡愛'好好看啊! 好感動ga... 特別係講父女間的感情... 真是有眼濕濕...

Wednesday, November 16, 2005

峰迴路轉

今日本來要做班北京turn的, 竟然要delay因為未有飛機, 要遲一個鐘的, 好彩我未出門口ja! 佢12點call我, 本來一點要出門口, 好趕咁食飯... 之後果一個鐘, 我仲可以update埋blog! 真是好!
2點出門口, 點知差不多上青嶼幹線時, 公司打來話班北京機cancel喎, 我心諗咁好?!好full喎... 通常呢d情況, 佢都會轉番我做standby的, 咁我咪諗住叫John掉頭唔好上青嶼幹線啦, 來回要$40喎... 我唔想好似上次咁, 出完紅隧, 又入錯了西隧, 好彩果次冇遲到ja! 又係call out 的! 點知公司話轉我做廈門turnaround, 仲要即刻去機場report, 好彩係青衣兜得番出來!
今日兩程都好滿呀, 不過可以快咁多放工真是好開心! 即刻可以唔駛錄果兩套電視劇啦! 仲可以看埋今日兩場波! 明日又放一日假! 真是好!

又call了>_<

有冇搞錯呀!!又call了啦,今日11:00開始standby,12:00就打來叫我做班北京turnaround,嘩,又6個鐘的flying hour, 我呢個月都好多鐘了.
唉!仲要兩程都full呀, 不過公司剛剛打來話會delay, 希望會走了一些客啦...
唔知點解兩邊膊頭痛到好似有兩個大石壓住咁,好痛呀!
呢排做排球Grand champion cup,好好看啊! 最好就係播放時間都好,因為在日本打的. 昨日開始的第一日賽事已經非常好看,第一場係中國對巴西,巴西輸了頭兩局都可以反超前贏中國,真是好勁呀! 最驚喜的係尾場(一日有三場賽事),日本對波蘭, 波蘭竟然係歐洲的冠軍, 即係贏了意大利, 俄羅斯等勁敵... 而日本普遍高度都矮人好多, 都竟然可以差點贏波蘭, 真是好勁呀! 打了5局先分勝負, 如果第三局唔係有少少的失誤輸24比26, 日本贏了的話真是會好開心,因為係主場,全場爆滿呀!好好氣氛呢! 而日本的幾個主將真是又好出色! 就算矮個摸高點都可以好高! 最值得稱讚的係佢地的笑容. 就算她們知道快要落敗, 仍然是保持最佳狀態! 及保持那甜美的笑容! 真是好有體育精神! 所以就算輸, 都唔係輸好多的....

Monday, November 14, 2005

累死了

真是累死了...
連續三日都係5點半起身番工,就算12日在香港出發去上海係咁,13日在上海番係咁,14日係台北番香港又係咁... 同時都係三晚都無訓覺... 就要死了!!!
今日台北回來諗住終於可以回家訓覺,點知現實永遠都係殘酷的,二晚無回家訓,應該係二晚係無訓,台北回來仲要做昆明來回,真是想死... 5點幾放工...
仲要明日一早起身又做台北再去上海過夜,嘩,我真是會癲啦...
真是病了...
可能一病不起了,因為在這世上可能已無人會珍惜我...
感覺從來也沒有得到一份完整的愛...

Friday, November 11, 2005

11月11日

這幾天的天氣都很好... 但我的心情就...
因為我11月9日被called out做4程機呀! 真是傷心! 係朝早8點09分的電話! 10點35分做到夜晚9點55分先放工,仲要係無咩停過手! 好彩之後兩日都放假,如果唔係真是人都癲! 香港去昆明,昆明番香港,香港去廈門,廈門番香港先放工... 我仲要全日著高跟鞋因為冇帶到矮果對換, 所以對腳好似唔係我的咁.
兩日假話咁快又放完了, 主要都係休息同食野. 食真是好緊要, 特別係番工時無啖好食. 主要係冇時間食! 昨日去了皇悅(kowloon)食shabu shabu 同日式食品任食, 不過可以揀的日式食品得好少, 仲有d service真是唔得,當然都有個好好的waiter,不過個經理就真是好唔得! >_<
明日要去上海過夜,之後上海回來再去台北過夜,唉,三日都係要晨咁早起身呀!

Wednesday, November 02, 2005

感冒了


因為之前咁多日唔夠訓,呢幾日做早機又訓得唔好,又AM(auntie visit)終於感冒了... 好辛苦呀! 呢個月個更又係癲的,係咁做北京機,前日先做完,明日又比佢地改了做北京,又係好full,又係business full過economy,有冇搞錯,今日上海又係咁,但我又冇得揀因為得我一個FJ(做business的FA)... 有時放工真是好想有senior或者客讚ga,咁就會覺得做得咁辛苦都唔緊要啦... 不過而家真是少了人讚... 都有些唔開心... 可能做business就係咁啦... 個個都覺得係應該的... 唉... 有時真是做到有些心灰意冷,意興闌珊... 好悶... 真是想請辭,不過真是唔知做咩好,又唔捨得份人工...

記得之前番工的路上,竟然有一隻死了的狗係條公路度... 好彩我們閃避得到冇車過它呀, 如果唔係實好唔安樂. 不過唔知其他車唔知閃唔閃到,特別係大貨車就好難閃啦! 真是唔明點解會有隻狗係條公路大間喎,接近青嶼幹線收費站... 附近又冇人又冇大廈又冇屋... 奇怪!!!

呢兩日十點就訓了,今晚都係咁... 希望可以訓好些了... 晚晚都發夢又成日醒...